कोरियालाई मेक्सीकोले यसरी धन्यवाद दिए, सन्दर्भ विश्वकप
प्रायले धन्यावाद दिदा मौखिक र लिखित वा उपहार दिएर ब्यक्त गर्ने गर्छन । तर कहिले काही धन्यावाद दिने अनौठा तरिकाहरु पनि देख्न र सुन्न पाइन्छ । रसियामा भइरहेको फुटबल विश्व कपको सन्दर्भमा मेक्सीकोले दक्षिण कोरियालाई दिएको धन्यावादको हो ।
बुधबार सम्पन्न पहिलो चरणको खेलमा दक्षिण कोरियाले जर्मनलाई ० को विरुध २ गोलले जित्यो । यो जित कोरियाको थियो तर फाइदा मेक्सिकोलाई मिल्यो । जर्मनलाई हराई दिएकाले मेक्सीको दोस्रो चरणमा पुग्न सफल भएको भन्दै मेक्सीयालीहरु कोरियनलाई धन्यवाद दिने अनौठा तरिकाहरु अपनाइ रहेका छन् ।
मेक्सीका सयौ नागरिकहरु धन्यवादका प्लेकार्ड बोक्दै मेक्सीको स्थित कोरियन राजदूताबास अगाडी पुगेर हर्ष उल्लास गरेका छन् । बाटोमा कोही करियन नागरीक देखे बोकेर माथी उचाल्दै खुशीयाली मनाउदै छन् । रेष्टुरेन्ट र यातायातमा कोरियन नागरीकलाई केही प्रतिशत छुट दिएका छन् । मेक्सीकोको झण्डाको वीचमा कोरियाको झण्डा र खेलाडीको तस्वीर राखेर खुशीयाली बाड्दै धन्यावाद दिइरहेका छन् ।
कोरियाको यो जितले विश्व कपको इतिहासमा ८० वर्षपछि जर्मनलाई पहिलो चरणबाटै विदाई गरेको कृती कायम गर्नुका साथै कोरियनहरुले मेक्सीयालीहरुको मनमा राज गरेका छन् ।
