म्याग्दी रनिङ भलिबल कप प्रतियाेगिताकाे सम्पुर्ण तयारी पुरा ।
म्याग्दी प्रवासी नेपाली संघ (मोना) दक्षिण कोरियाले अायाेजना गर्ने म्याग्दी रनिङ कप भलिबल प्रतियोगिताकाे तयारी पुरा भएकाे मोना कोरियाका अध्यक्ष किसन सेन्चुरीले जानकारी गराएका छन् । यहि जुलाइ १५ तारिख अाइतबार खाङ्बुक युथ सेन्टर सुयुकाे कभर्ड हलमा हुने भलिबल प्रतियाेगितामा १३ टिमले सहभागिता जनाउने भएका छन्।
विकास, अनुशासन र गतिशीलता भन्ने नारालाई उद्घोष गर्दै मोना कोरियाले यो सिजनको तेस्रो प्रतियोगिता यहि जुलाइ १५ तारिख साैलमा अायाेजना गर्न लागेको कुरा सेन्चुरीले जानकारी गराएका छन्।
A पाेल मा ७ टिमले भाग लिएका छन् भने B पाेलमा ६ टिमले भाग लिएका छन्। A टिममा विश्वकर्मा समाज र ठकुरी समाज, गुल्मी सम्पर्क समिति र माेना काेरिया A,माेना काेरिया B र सिहुन्सी अानसान B प्रतिस्पर्धा गर्ने भएका छन् भने बाग्लुङ सम्पर्क समिति काेरिया बाइमा परेका छन्।
त्यस्तै B पाेलमा तनहुँ सम्पर्क समिति र तमु धिं दक्षिण काेरिया ,पुन समाज र स्याङजा परिवार , सिहन्सी अानसान A र काली गण्डकी ब्वायज प्रतिस्पर्धा गर्ने भएका छन्।
कोरियामा भलिबल प्रतियोगिताको सुरुवात मोना कोरियाले गरेको स्मरण गर्दै अहिले कोरियामा रहेका नेपालीमाझ भलिबल प्रतियोगिताको लोकप्रियता निकै बढेको उनले बताए । प्रतियोगितामा खेलको आनन्दसंगै विभिन्न परिकारहरुको स्वाद लिन सकिनेछ ।
प्रतियोगितामा प्रथम र द्धितिया हुने टिमले क्रमशः नगद १३ लाख वाेन र १० लाख वाेन र प्रमाणपत्र प्राप्त गर्नेछन भने सेमिफाईनालिष्ट दुई टिमले नगद ३ लाख ५० हजारको दरले पुरस्कार प्राप्त गर्नेछन । ३ लाख ५० हजार दर्ता शुल्क रहेको प्रतियोगिता जुलाई १५ तारिखमा खाङ्बुक युथ सेन्टरमा बिहान ९ बजेबाट सुरु हुने सेन्चुरीले बताएका छन् ।
प्रतियाेगितालाइ मुख्य प्रायाेजन गर्ने जी एम इ रेमिट्यान्स, लाली गुराँस खाजा घर तुन्देमुन, ब्यानर स्पाेन्सर गर्ने पुर्णिमा रेष्टुरेण्ट सुवन, कार्यक्रम ब्यवस्थापन स्पाेन्सर दुर्गा ग्रुप काेरिया, प्रथम पुरस्कार कप स्पाेन्सर याद गर्बुजा अध्यक्ष पुन समाज, दाेश्राे पुरस्कार कप स्पाेन्सर भजिन्द्र क्षेत्री अध्यक्ष नेपाल काेरिया भलिबल संघ, कार्यक्रम प्रायाेजक हिमालयन किचन खारेबि र लाली गुराँस रेष्टुरेण्ट फारान साथै स्टेशनरी प्रायाेजन दर्शन नमस्ते रेष्टुरेण्ट दाेङ्देमुनले गरेका छन्। साथै मेडिया पार्टनरमा फाेनिज काेरिया र हेल्लाे नेपाल काेरिया डट कम रहेका छन्।
सम्पर्ककाे लाग
अध्यक्ष , किसन सेन्चुरी ०१०९५५८८६८४
सचिब , सुमन पाैडेल ०१०२१५१६८४०
खेल हुने मिति २०१८ जुलाइ १५ तारिख
स्थान खाङबुक युथ सेन्टर सुयु साैल
समय बिहान ९ बजे देखि
जाने तरिका ४ नं. ट्रेन लाइन सुयु स्टेशन ६ नं. गेट बाट १ ०४ वा १ नं.काे बस चढेर 서강복 청소년 수련관( खेल हुने स्थान ) सम्म पुग्न सकिनेछ। वा ट्याक्सीमा किबुन रकममै पुग्न सकिनेछ।
