किम्हे बुसानमा छुसक डान्स पार्टी हुने
KHYANG-BU GUYS ले कोरियन चाड छुसकको पहिलो दिन अर्थात आउदो सेप्टेम्बर २३ तारिखमा डान्स पार्टी आयोजना गर्ने भएको छ । छुसक डान्स पार्टीमा कोरियन तथा नेपाली डिजेले अङ्ग्रेजी, कोरियन, हिन्दी र नेपाली गीत बजाएर मनोरञ्जन दिने भएका छन् ।
KHYANG-BU GUYS दक्षिण कोरियाको ख्यङ्साङ्नाम्दो र बुसान क्षेत्रका युवाहरूको समूह हो । दक्षिण कोरियामा नेपाली युवाहरू मानसिक तनावका कारण डिप्रेसन हुने समस्या बढिरहेकोले युवाहरु मिलेर मनोरञ्जनात्मक कार्यक्रम गर्दै कम गर्ने उदेश्यले डान्सपार्टी आयोजना गर्न लागिएको आयोजकले जनाएका छन् । डान्स पार्टीबाट भएको आम्दानी तामाङ समाज ख्यङ्साङ्नाम्दो बुसान दक्षिण कोरियाले बुसानरकिम्हेमा सन्चालन गर्न लागेको सेल्टरको लागि सहयोग गर्ने भएकोले कोरियामा रहेका सम्पुर्ण नेपालीहरुलाई आयोजकले कार्यक्रममा आइदिन अनुरोध गरेको छ ।
