न्यू भिजन सांगितिक सौगात २०१८ को तयारी बारे एक अन्तरक्रिया कार्यक्रम सम्पन्न गरियो
विभिन्न संस्थामा काम गरिसकेका साथै नयाँ जोस जाँगर भएका ब्यक्तिहरु मिलेर,केही समय अगाडी मात्र गठन गरिएको संस्था “न्यू भिजन ग्रुपले “ यही शनिबार पत्रकार सम्मेलन गरी एक अन्तरक्रिया कार्यक्रम सम्पन्न गरेको छ । आउने छुसक अर्थात सेप्टेम्बर २३ मा गरिने न्यू भिजन सांगितिक सौगात २०१८ लाई कसरी अझ प्रभावकारी किसीमले सम्पन्न गर्ने भन्ने बारेमा उक्त अन्तरक्रिया कार्यक्रम सम्पन्न गरिएको हो ।
असहाय तथा दृष्टिविहीनहरुलाई सहयोग गर्ने उदेश्यका साथ गरिने यो कार्यक्रको बारेमा गरिएको वृहत छलफ किम्हे स्थित लुम्बिनी रेष्टुरेन्टको एक हलमा गरिएको थियो। किम्हे, बुसान, गजे ,यांसान,उल्सान वरपर रहेका विभिन्न संस्थाहरुको प्रतिनिधिहरु,एन आर एन , एन, सि सि का केन्द्रीय तथा क्षेत्रीय प्रतिनिधीहरु,सहभागी रहेको उक्त भेलामा पत्रकार महासंघ दक्षिण कोरियाका अध्यक्ष लगायत विभिन्न मिडीयाका प्रतिनिधी पत्रकारहरुको उल्लेखनीय भेला भएको थियो ।
न्यू भिजन ग्रुपका सचिब विविन्द्र राईले सन्चालन गरेको उक्त अन्तरक्रिया कार्यक्रममा संयोजक अनिश गुरुङले कार्यक्रमको औचित्य र उदेश्यको बारेमा प्रष्ट पार्नु भएको थियो । अन्तरक्रियाका क्रममा उठेका हरेक प्रश्न र सवालहरुको जवाफ दिंदै संयोजक गुरुङले कार्यक्रमको तयारीको बारेमा पनी थप प्रष्ट पार्नुभएको थियो । उपस्थित विभिन्न संघ-संस्थाका प्रतिनिधीहरुले कार्यक्रम सफलताको अग्रिम शुभकामनाका साथमा सुझाब र सगयोगका बचनहरु पनी दिएका थिए ।
नेपालका ख्याति प्राप्त कलाकारहरुको प्रस्तुती रहेको उक्त सांस्कृतिक कार्यक्रमको तयारी हेर्दा साँच्चै भब्य र सभ्य किसीमले सम्पन्न हुने सबैको ठम्याइ पनि रहेको पाइएको छ, सहयोग र समर्थन सबैको रहेको देखिन्छ । त्यस्तै गरेर सहयोगकै क्रममा हानपास रेमिट्यान्स, किम्हे माईग्रेन्ट हाउस लगायत किम्हेमा रहेका सबै नेपाली रेष्टुरेनहरु( लुम्विनी रेष्टुरेन्ट, न्यू लिटिल इन्डिया रेष्टुरेन्ट,नमस्ते रेष्टुरेन्ट, दुर्गा रेष्टुरेन्ट) को पुर्ण रुपमा सहयोग रहेकोछ ।
यसरी पवित्र उदेश्य लिएर गरिने, मनोरन्जनात्मक तथा सेवामुलक कार्यक्रममा सबैको सहभागिता हुनैपर्छ र कार्यक्रम सफल बनाउन सबै जुट्नैपर्छ , कार्यक्रम सफलताको अग्रिम शुभकामना पनी ।
