दश बर्ष लगाएर परदेशी भुमीलाई वाई वाई गर्दै-गर्दा
हरेक मानिसको जिवनमा बनिरहेको एउटा लामो र ठुलो योजना भित्र आफुले बिच-बिचमा स-साना योजनाहरु बनाईन्छ, तिनीहरु कतिपय पुरा हुन्छन त कतिपय अपुरा नै हुन्छन ।
जन्म भुमीमा दु:ख गर्ने, परदेशी भुमिको यात्रामा लाग्ने अर्थात एकले अर्कोलाई स्वागत र विदाई गर्ने भन्ने कुराहरु हाम्रो जिवनकै योजना अन्तर्गत पर्दछन् जसमा हामीले भुमिका मात्र निर्वाह गर्ने परेको छ । हाम्रो जिवनको लामो योजना भित्र नै सना-सना योजनाहरु हुँदारहेछन् अनि चल्दारहेछन् जसलाई वरीपरी रहेको वातवरणले मिलाउने काम गर्दोरहेछ ।
यस्तै म पनि जिवनको यो लामो योजनासंग यात्रा गर्दै जाने क्रममा यो परदेशी भुमीमा पाईला टेक्न सफल भएछु । हुन त बाल्यकाल देखीनै दु:ख र संघर्ष संग खेल्दै र रमाउँदै आएको म आफ्नै देशमा केही गर्न चाहन्थें यही विश्वासका साथ राजधानी काठमान्डौंका हरेक चोक र गल्लीहरु परिचित थिए म संग । तर जिवनमा बनिसकेको यती विशाल योजनाको अगाडी मैले बनाएको योजनाले के नै पो गर्न सक्थ्यो र !! जिवनमा बनिसकेको योजना अनुसार नै मैले सोचे भन्दा फरक किसीमले सन् २००८ मा रोजगारीको मुलुक भनेर चिनिएको देश दक्षिण कोरिया आउन सफल भए ।
जब मेरो पाईला कोरियामा पर्यो अनि थाहा भयो सोचेको र भनेको कोरिया भन्दा भोगेको र देखेको कोरिया बिच कति फरक रहेछ भनेर । न त बाजेले गरेको नत बुबाले गरेको काम त्यो पनि प्रकृतीको विरुद्ध दिउँसो र राती जसको सम्झना र कथा नै वेग्लै । एक दशक भनेको कुनै जिवको पुरा जिवनको आयू हो भने मानिसको जिवनको पनी धेरै लामो अवधी हो ।
यो एक दशकिय बसाईको अन्त्य-अन्त्य तिर आएर, रोजगारिको यो मुलुकलाई फर्केर हेर्दा मेरो नजरले भेटेको र देखेको :-
१.कोरिया र कोरियन – तिन दिशाबाट समुन्द्रले घेरिएको यो देश गर्मीमा धेरै गर्मी त जाडोमा धेरै जाडो हुने ~ जाडो, गर्मी र शितल सबै प्रकारको मौसम भएको नेपालसंग धेरै कुराको मेल खाएको सुन्दर देश। नियम कानुन, आदार-सत्कार, परिश्रम र मेहनतलाई पहिलो प्राथमिकता दिने साथैं कला र संस्कृतिमा रमाएका कोरियन र यो देश । स-साना घरेलु कम्पनी जसमा कतिपय राम्रा र असल कम्पनी मालिक र कोरियन कामदारहरु त कतिपय ठग्ने, हेप्ने, लुट्ने र धुत्ने सम्मका कम्पनी मालिक र कोरियन कामदारहरु अर्थात केही जानेबुझेका त केही नजानेका र नबुझेकाहरु भएको यो देश … ।
२. नेपाली ब्यक्तित्व र साथीभाईहरु – लामो समय कोरियामा बसिसकेका, समाजसेवी, धार्मिक अग्रज, राजनितीक अग्रज, वुद्धीजिवी,व्याबसायी, विद्यार्थी, पत्रकार आदी महानुभावहरुसंग भेट गर्ने र संगै यात्रा गर्ने मौका मिल्यो । ईपियस पद्धतिबाट नेपालबाट आएका विभिन्न सोच र बिचार भएका साथीभाईहरु संग हिंड्न, बस्न, रमाउन र संगै पसिना बगाउने सम्झना योग्य अवसर मिल्यो । धेरै अग्रज ब्यक्तिहरुबाट सहयोग पाउन सफल भएछु भने धेरै मित्रहरुलाई सहयोग गर्न पनि सकेछु । कतिपय साथीहरुले ज्यानै गुमाउनु पर्यो, कतिपयले आफ्ना अंगहरु गुमाउनु पर्यो भने कतिपय बिचैमा घर फर्कनु पनि पर्यो तर मैले कोरियाको दशौं बर्षको जाडो र गर्मीहरु कटाउन सकेछु, समय विताउन सफल भएछु ।
बसाईको अबधी धेरै नै भएपनी कहिले यहाँको आर्थिक मन्दी त कहिले आफ्नो र कम्पनीको समस्याले केही असर गरेतापनी साथीभाई र अग्रजहरुसंग चैं नजिक हुनसकेछु यो नै मेरो कमाई र उपाहार ठानेको पनि छु । तँपाई अग्रज र साथीभाई नै मेरो पाठशाला अनि गुरु परदेशी भुमीमा धेरै कुरा सिकेको अनुभुती अब मैले गरेको छु ।
३. म र मेरो :- कोरियाको दुई वटा कार्यकाल र मलाई हेर्नुपर्दा, पहिलो कार्यकालको तुलनामा दोस्रो कार्यकालमा त्यती सक्रिय हुन सकिन कारण मेरो ब्यक्तिगत नै हो तर जति सकेछु त्यसमा खुशी छु । म र मेरो परिवारको भविष्य सुखमय बनाउन पसिना बगाउँदै गर्दा त्रिभुवन-अन्तराष्ट्रीय विमान स्थलबाट विदाई गरेर आएको मुटुको ट्क्रालाई गुमाउन पुगेछु तर पनि विगतलाई सहज लिन सकेकोछु । पवित्र जन्मभूमि नेपाल महान कर्मभूमि कोरिया दश बर्ष सम्म पसिना बगाउन सकेछु, नेपाली अग्रज महानुभावहरु र साथी भाईहरुको अघिपछी दौडदै जिवन बुझ्न सकेछु । यदी यो धर्ती नै नहुँदो हो त पैतालाले कहाँ टेक्थ्यो र !! अनि पैताला नै नभए शरिर कसरी वरपर गर्थ्यो र !! त्यस्तै जन्म भुमी नेपाल नै नभए मेरो जन्म यस्तो कहाँ हुन्थ्यो र !! अनि कोरिया नै नभए मेरो दश बर्ष यसरी कहाँ जान्थ्यो र !! रगत पनि बग्यो, पसिना पनि बग्यो, आँसु पनि बग्यो, आएका धेरै समस्या समाधान गर्न सकियो यही कोरियामा ।
कोरियनहरुको मेहनत र परिश्रमसंग नजिक पनि हुनसकियो, आदर, सम्मान र संस्कार पनि हेर्न पाईयो यही कोरियामा ।अनुभवी अग्रज तथा समाजसेवी ब्यक्तिहरु साथै असल र उदाहरणीय साथीहरु संग भेट गर्ने मौका मिल्यो यही कोरयामा । जिवन के हो !! असल के हो !! खराब के हो !! जान्ने र बुझ्ने मौका मिल्यो यही कोरियामा । यती लामो भोगाई पछी कर्म भुमीबाट जन्म भूमी लाग्दै गरेको यस अबस्थामा भन्न चाहान्छु: कोरिया तिम्रो सधैं जय होस,अझै प्रगति र उन्नती भएको देख्न र सुन्न पाईयोस,मन-मस्तिष्कमा कोरिया नै कोरिया, दश बर्षको वाई- वाई तिमीलाई कोरिया , वाई-वाई कोरिया ……..।
