कोरियामा प्रगती राईको एकल कविता वाचन

दक्षीण कोरियाको थेजन शहरमा चर्चित लेखक एवं कवि प्रगती राईको एकल कविता वाचन सम्पन्न भएको छ। गत आइतवारको दिन यहाँ अवस्थित सगरमाथा रेस्टुरेन्टमा सम्पन्न भएको कार्यक्रममा नयाँपुराना गरि आधा दर्जन कविता प्रगती राईद्वारा सुनाईएको थियो ।

नेपाल कोरिया कल्चर सेन्टरको आयोजनामा भएको कार्यक्रममा समसामयिक र नारी अधिकारको बिसयमा शशक्त कविताहरु प्रस्तुत गर्दै राईले यसरी छोटो अबधिमै आफ्नो लागि निक्कैवटा कार्यक्रम आयोजना हुनुले कोरियामा पहिलाभन्दा साहित्यिक माहोल बढ्दै गएको र यसबाट आफूलाई खुशी लागेको आसय व्यक्त गर्नुभयो। उहाँको शशक्त कविताहरुमध्ये एउटा कविता कवि धरती कल्पनाले वाचन गर्नुभएको थियो। केही कवितामा वादी महिलाको अधिकारको आवाज त केही कवितामा कोरियाको बसाई भोगाईका अंसहरु समेत प्रस्तुत गर्नुभएको उहाँका केही कविताहरु गलत राजनैतिक शैलीबिरुद्दका पनि थिए।

शुभकामना मन्तव्यमा आयोजक संस्था नेपाल कोरिया कल्चर सेन्टरकी अध्यक्ष मन्जु गुरुङले विभिन्न संघर्षका बाबजुद अहिले साहित्य क्षेत्रमा उठेकि सकृय लेखिका प्रगती राईलाई यो कार्यक्रममा उभ्याउन पाउँदा आफूहरुलाई खुशी लागेको जानकारी दिनुभयो। आयोजक संस्थाकै अर्का वक्ता चर्चित कोरियन नेपाली कवि सगरमाथा गुरुङ(किम ह्योङ हो)ले दुई देशको साहित्यिक र सांस्कृतिक पाटोहरुमा कोरियन कल्चर सेन्टरले महत्वपूर्ण पूलको भुमिका निर्वाह गर्न कुनै कसूर बाँकी नराख्ने बताउदै यो त्यसैको एक सिलसिला पनि रहेको बताउनुभयो । कवि किम ह्योङ हो को केही नेपाली तथा कोरियन कवितासंग्रह प्रकाशित छन्।

आफ्ना रचनाहरुको साथमा कवि यल्जी विवशको आकर्षक उद्घोषणसँगै सुरुवात भएको कार्यक्रमको एक चरणमा चर्चित कोरियन कवि याङ्ग मुन ग्यू तथा नेपाली कविहरु धरती कल्पना, जनक सन्याल,गोपिकृश्ण लामिछाने, कृस्णहरी कुवँर,प्रमोद यादव,आदिले आफ्ना ताजा कविता तथा गजलहरु प्रस्तुत गर्नुभयो। त्यस्तै थेजन समाजका अध्यक्ष जि.पि. बास्तोलाले शुभकामना मन्तव्य राख्नुभयो।

आफ्नो पछिल्लो किर्ती बिर्सिएको मृत्यू को प्रबर्द्धन गर्दै कोरिया आउनुभएकि कवि प्रगती राईको चाँडै नै थाक्रा नामको किताब प्रकाशन हुन लागेको छ। उनि कोरियाको पहिलो नेपाली साहित्यिक संस्था नेपाली साहित्य समाज दक्षिण कोरियाको संस्थापक संयोजक र अध्यक्ष पनि हुन्। केही समय अघि इतर आवाज साहित्य समाजले बुसानमा उहाँको एकल कविता वाचन कार्यक्रम राखेको थियो भने त्यसको केही अघि मात्र नेपाली साहित्य समाज र एमडब्लु टिभिको संयूक्त आयोजनामा बिर्सिएको मृत्यू एक विमर्श एवं बृहत् सृजनावाचन नामक कार्यक्रम राजधानी सौलमा भव्यरुपमा सम्पन्न भएको थियो।