नेपाली विद्यार्थी समाज दक्षिण कोरियाको १५ औॅ साधारण सभा सम्पन्न
कोरियामा अध्ययरत नेपाली विद्यार्थीहरुको साझा संगठन, नेपाली विद्यार्थी समाज दक्षिण कोरिया (सोनसिक) को १५ औॅ साधारण सभा सम्पन्न भएको छ । उक्त साधारण सभाले सभापतिमा तुलसी पौडेललाई निर्वाचित गरेको छ । गत सेप्टेम्बर १ र २ तारिकका दिन युनेस्को पिस सेन्टर, इचोनमा भएको साधारण सभामा सर्वसम्मतमा १३ जनाको १५ औॅ कार्य समिति निर्वाचित गरेको थियो । कार्यसमितिको उपाध्यक्षमा प्रकाश देबकोटा, रुपेश कंडेल, प्रदीप शुवेदि र राजेंद्र आचार्य, सचिवमा दीर्घ राज जोशी, सहसचिवमा निर्मल आचार्य , कोषाध्यक्षमा श्री सत्याल र सदस्यमा राजा श्रेष्ठ, दीनेश चौधरी, अनु रिजाल, पुनम पाठक, र रविंद्र मिश्र चयन भएका छन् ।
साधारण सभाको अध्यक्षता सोनसिक १४ औॅ कार्यसमितिका सभापति बिजय बस्नेतले गर्नु भएको थियो । कार्यक्रम नेपाली राजदूतावासका उधव न्यौपानेको प्रमुख आतिथ्यमा सम्पन्न भएको कार्यक्रममा विभिन्न सामाजिक कार्यमा सकृय ब्यक्तित्वहरुको उपस्थित रहेको थियो।
सोनसिकले आयोजना गरेको निवन्ध, कविता र भिडियो प्रतियोगितामा बिजय हुनेहरुलाई पुरुस्कार वितरणका साथै कोरियाबाट स्नातकोत्तर तथा विधावारिदि हुनेहरुलाई सम्मान प्रमाण पत्र वितरण गरिएको थियो ।
साधारण सभाको पहिलो दिन औपचारिक कार्यक्रम पछि बन्दसंत्र सुरुभएको थियो । दोस्रो दिन जेबुदोको भ्रमण सगै कार्यक्रम सम्पन्न भनेको थियो ।
