गुनसान नेपाल कप फूटबल प्रतियोगिताको टाइसिट १२ समूहबिच प्रतिष्पर्धा हुने
कोरियाली महान चाड छुसकको अवसर पारेर गुनसान नेपाली समाज कोरियाले आयोजना गर्न लागेको तेस्रो गुनसान नेपाल कप फूटबल प्रतियोगिताको लागि टाइसिट गरिएको छ । आइतबार गरिएको टाइसिटमा पोल ए र पोल बि गरी १२ समूहबिच प्रतिष्पर्धा हुने भएको छ ।
दक्षिण कोरियामा विविध पेसा, व्यवसायमा आबद्ध रहेका नेपालीहरूमाझ आपसी सद्भाव, भ्रातृत्व र एकता विकास गर्ने उद्देश्यका साथ विगत तीन वर्षदेखि आया्ेजना गर्दै आएको गुनसान नेपाल कप फुटबल प्रतियोगिता सेक्टेम्बर २३ तारिखका दिन दक्षिण कोरियाको झल्लाबुक्दो, गुनसान स्थित ओसिक्दो दोङ्गको २ वटा खेलमैदानमा खेल संचालन हुने भएको छ ।
दक्षिण कोरियामा रहेका विविध नेपाली संघ-संस्थाहरू माझ पृथक पहिचानका साथ परिचित, गुनसान नेपाली समाजले सर्वप्रथम सर्वाधिक पुरस्कार राशिको फुटबल प्रतियोगिता सभ्य एवम् भव्य रुपमा आयोजना गरि सफलतापुर्वक सम्पन्न गर्दै आएको छ ।
विदेशी भुमिमा व्यस्तताका बाबजुद पनि फुटबललाई माया गरी खेल-विकासमा योगदान पुर्याउनुहुने खेलप्रेमी खेलाडी साथीहरूको भावनालाई उच्च कदर गर्दै आयोजना गरिने फुटबल प्रतियोगितामा बिजेता टोलीलाई ३० लाख कोरियन वोन तथा उप-बिजेतालाई १५ लाख कोरियन वोन साथै ट्रफी,मेडल र प्रमाणपत्र प्रदान गरिने आयोजकले जनाएको छ । त्यसैगरी प्रतियोगितामा उत्कृस्ट खेलाडी, सर्बाधिक गोलकर्ता, उत्कृस्ट गोलरछकलाई ट्रफी, मेडल र प्रमाणपत्र द्वारा सम्मान गरिनुका साथै प्रत्येक खेलबाट पनि MAN OF THE MATCH बन्ने खेलाडीलाई मेडल तथा प्रमाणपत्र द्वारा सम्मान गरिने छ भने अनुसासित टोलि तथा उत्कृस्ट व्यवस्थापकलाई पनि सम्मान गरिने भएको छ ।
त्यस्तै उक्त प्रतियोगितामा आउनुहुने सम्पूर्ण खेलाडी तथा खेलप्रेमी महानुभावहरुलाई गुनसान नेपाली समाजको तर्फबाट नेपाली खानाको निसुल्क व्यवस्था पनि गरिएको आयोजकले जनाएको छ ।
सम्पर्क:
१. अमित योङहाङ लिम्बू -अध्यक्ष, 010-58082127
२. पदम धामी ‘पाइला’ -सचिव, 010-55126256
३. नबिन थापा (Entry Enquiry) – 010-76141466
४. संजिव श्रेष्ठ, 010-79303051
