स्याङ्जा परिवारको १०औं केन्द्रिय अधिवेशन सेप्टेम्बर २५ मा हुने 

स्याङ्जा परिवार दक्षिण कोरिया १०औं अधिवेशन यही २५ सेप्टेम्बर २०१८ मा सउलस्थित दुर्गा रेष्टुरेन्टमा हुने भएको छ ।

९औं केन्द्रिय कार्यसमितिको सफलतापूर्वक कार्यकाल पूरा भएर आधिकारिक र विधिवत् रुपमै अर्को कार्यसमिति चयन गर्नुपर्ने आवश्यकतालाई उच्च प्राथमिकता राख्दै १०औं केन्द्रिय अधिवेशन गर्न लागिएको हो । कोरिया स्थित विभिन्न संघ-संस्था, समूह र ग्रुपहरुसँग महत्वपूर्ण सहकार्य र समन्वय गर्दै आईरहेको यस परिवारले सन् २०१६ र २०१७ मा किम्हे/बुसान र थेगु क्षेत्रमा दुईवटा शाखा विस्तार गरिसकेको छ । विशेषत: कोरियामा विभिन्न पेशा, व्यवसायमा आबद्व र ईपियस प्रणाली मार्फत विभिन्न कार्यमा संलग्न स्याङ्जाली दाजुभाई, दिदीबहिनीहरुको हरेक सुख दुःखको साझा चौतारी र सितल छहारी बन्दै बलियो र समुन्नत संस्थाको रुपमा परिचित छ । यस प्रवासी भूमि कोरियामा विरामी, दुःख परेका वा विभिन्न कारणले दिवंगत व्यक्तिहरुको परिवारलाई राहत/सान्तवना स्वरुप सहयोग संकलन अभियान चलाएर सहयोग गर्दै आईरहेको छ ।

आफ्नो गृह जिल्ला स्याङ्जामा स्वास्थ्य क्षेत्र अन्तर्गत दुईवटा एम्बुलेन्स, एक्स रे मेशीन, कम्प्यूटर सेट लगायत अन्य थुप्रै सामाजिक सेवामा यस संस्थाले प्रत्यक्ष टेवा र सहयोग गर्दै आईरहेको छ । यस संस्थाले समाजसेवाको दायरा फराकिलो बनाउँदै विगतका दिनहरुमा नेपालका छिमेकी जिल्लाहरुमा समेत आगलागी र भुकम्प प्रभावित/पीडित ठाउँहरुमा आर्थिक तथा अन्य सहयोग वितरण गरेको थियो/गर्दै आईरहेको छ । यसका साथै सउलको दोङ्देमुन स्थित सेल्टर व्यवस्थापक नरेन्द्र गुरुङको संयोजकत्वमा स्याङ्जा आवास गृह “सेल्टर” विगत ५ वर्ष देखि सञ्चालनमा ल्याएर सेवा दिईरहेको छ । साँस्कृतिक, सामाजिक र नैतिक क्षेत्र, विविध मनोरञ्जनात्मक, साथै खेलकुदको पाटोमा (विशेष गरेर भलिवल), हरेक सुख दुःखमा आफ्नो सक्रियतालाई फराकिलो र उच्च बनाउँदै संस्थागत साख बचाउन अब्बल स्याङ्जा परिवार दक्षिण अब्बल साबित भईसकेको छ ।

कोरियन चाड छुसकमा हुने लामो विदाको अवसर पारेर यस संस्थाको १०औं केन्द्रिय अधिवेशनको सम्पूर्ण तयारी सकिएको छ । यस अधिवेशनलाई सभ्य र भब्य रुपमा सफल बनाउन केन्द्रिय, किम्हे/बुसान शाखा, थेगु शाखाका अध्यक्ष एवं कार्यसमिति, संस्था सम्बद्ध सल्लाहकार ज्युहरु, विभागीय प्रमुख ज्युहरु, खेल संयोजक, टिम क्याप्टेन, सम्पूर्ण खेलाडी, बुद्विजीवी, समस्त स्याङ्जाली सक्रिय व्यक्तित्वहरु र शुभचिन्तकहरुलाई बाक्लो उपस्थितिको लागि हार्दिक अनुरोध गरेको छ ।

तपसिल :

मिति : २०१८ सेप्टेटम्बर २५ तारिक मंगलबार ।
समय : बिहान ठीक ११:०० बजे ।
स्थान : दुर्गा रेष्टुरेन्टको दोश्रो तला ।
जाने तरीका : सउल स्थित ट्रेन लाईन नं. ५, यईउदो स्टेशन गेट नं. ३ बाट बाहिर नजिकै ।

सम्पर्क :
धर्म गुरुङ : 01094297321
वाई.बि. राना मगर : 01059407392
पूर्ण गुरुङ : 01058367960
बोम्जन गुरुङ : 01028698505