छुसकमा राजन गुरुङ र प्रिति आलेको लाईभ दोहोरी हुने

यहि आउंदो छुसकको पहिलो साॅझ ङोलो ङोल्स्यो ग्रुप दक्षिण कोरियाको आयोजनामा पहिलोपटक ङोलो ङोल्स्यो(सोल्टी सोल्टिनी)लाईभ दोहोरी साँझ साथमा डान्स धमाका २०१८ कार्यक्रमको सम्पुर्ण तयारी पुरा भएको छ।

कोरियामा रहेका लोक तथा दोहोरी गीत-संगीतका पारखीहरुलाई विशेष लक्षित गरी हुन लागेको उक्त कार्यक्रम २३ सेप्टेम्बरको बेलुका ७ बजे देखि शुरु भएर २४ को बिहान ५ बजेसम्म सञ्चालन हुने आयोजकले बताएका छन ।

नेपालबाट आमन्त्रित अहिलेको चर्चित राष्ट्रिय कलाकारहरुको साथमा कोरिया मै रहेका कलाकारहरुको प्रस्तुतीमा उक्त कार्यक्रम हुने भएको हो । नेपाली लोकदोहोरी फांटमा दुई बर्ष यताकै चर्चित मौलिक लोकदोहोरी गीत उहि खोलीमा पानी उहि खोलीमा माछाका गायक राजन गुरुङ र चर्चित लोकदोहोरी गीत फुल्यो बामरी, युवा पुस्ताको रोजाईमा पर्न सफल दोहोरी ब्याटलकी गायिका बेली डान्सर प्रिति आले कार्यक्रमको मुख्य आकर्षण हुन् ।

यसैगरि कोरियालाई कर्मथलो बनाएर लोकदोहोरी फाँटमा उदयमान मौलिक सालैजो गीत पर्ख नानीकी गायिका शान्ती गुरुङ र मायाको फांसीकी गायिका रमिला गौतम ,लोकदोहोरी गायक गोमेश केसि,लोकदोहोरी गायक कृष्ण पाण्डे क्षेत्री साथै भर्सटायल गायक पुरन गुरुङको लाईभ दोहोरी घम्सा घम्सीको साथमा रोधीं ब्याण्डका संगीतकार दिलिप गुरुङ र साथीहरुको लाईभ संगीतको विशेष प्रस्तुति रहनेछ । यसै गरि ङोलो ङोल्स्यो ग्रुपका कलाकारहरुको सांस्कृतिक नृत्य प्रस्तुति पनि रहने आयोजकले बताएको छ।साथै कार्यक्रममा उपस्थित दर्शकहरुले पनि कलाकारहरु संग लाईभ दोहोरी गाउन सक्ने बताएको छ।

कार्यक्रम आयोजना गर्ने भनी सार्बजनिक गरिएको स्थान केहि प्राविधिक कारणले गर्दा परिवर्तन भएको छ ।कोरियामा हुंदै आएका नेपाली कार्यक्रमहरुको ईतिहासमै पहिलोपटक नेपाली कला र संस्कृति झल्किने फरक प्रकृतिको कार्यक्रम आयोजना हुन लागेकोले दर्शकको चाप अत्याधिक हुन सक्ने अनुमान का साथै व्यवस्थापनमा कुनै कमी नहोस भनी सौल थाप्सिम्नीमा अवस्थित अत्याधुनिक सुविधा सम्पन्न हलमा कार्यक्रम गर्ने तय भएको जानकारी आयोजकले बताएको छ।

कार्यक्रम आयोजना स्थलमा विभिन्न प्रकारको स्वादिष्ट नेपाली परिकारहरुको स्टल पनि रहनेछ। कोरियाबासी सम्पुर्ण संघसंस्थाका प्रतिनिधिहरु,समाजसेवी,पत्रकार,खेलाडी,विधार्थी लगायत सम्पुर्ण नेपाली दाजुभाई तथा दिदीबहिनीहरुमा गरिमामय उपस्थितिको लागि हार्दिक निमन्त्रणा गरेको छ।

कार्यक्रम हुने
मिति: २३ सेप्टेम्बर २०१८ (छुसकको पहिलो सांझ)

समय: बेलुका ७:०० बजेदेखि बिहान ५:०० बजे सम्म

स्थान: थाप्सिम्नी प्रोग्राम हल ,थाप्सिम्नी सौल

जाने तरिका: सौल मेट्रो लाईन नं ५ थाप्सिम्नी स्टेशन गेट नं १(एक)
बाट पैदाल २ मिनेट