कोरियामा दूताबासले संविधान दिवस मनाए
दक्षिण कोरिया स्थित नेपाल राजदूताबासले सउलमा विहीबार संविधान दिवस तथा नेपाल दिवस संगै मनाएका छन् । कार्यक्रमलाई प्रमुख अतिथि कोरियाका बहुपक्षिय तथा विश्व ममिला उप मन्त्री जोन सिक कागं र नेपाली राजदूत अर्जुनजंग बहादुर सिंहले सम्बोधन गरेका थिए ।
कार्यक्रममा प्रमुख आतिथी कांगले नेपाल र कोरियाको चार दशक लामो मैत्रीपुर्ण द्धैत्त सम्बन्धलाई अझ प्रगाढ बनाउदै जाने बताए । साथै कोरियाका राष्ट्रपति मुन जे इनले नेपालमा पटक पटक भ्रमण गरी व्यक्तिगत सहयोग गरिरहेको स्मरण गराउदै नेपालको विकासमा कोरियाले सक्दो सहयोग गर्ने प्रतिबद्धता जनाए ।
कोरियामा इपिएस मार्फत कार्यरत विदेशी कामदार मध्ये नेपालीहरु मेहनती, इमान्दार र लगनशिल भएको बताउदै नेपाल कोरियनहरुको लागि मन पर्ने देश भएको पनि थपे ।
राजदूत सिंहले हालै दक्षिण र उत्तर कोरियावीचको विकासन्मुख शान्ति सम्झौताप्रति खुशी व्यक्त गने । उनले नेपालमा विदेशी लागनी गर्ने देशहरु मध्ये दक्षिण कोरिया पाँचौ स्थानमा रहेको बताउदै विषेश गरी विद्युत, निमार्ण र हेटल क्षेत्रमा कोरियन लगानी रहेको उल्लेख गरे । नेपालमा बुद्धको जन्म स्थान लुम्बिनी र हिमालय मन पराउने कोरियनहरु नेपालको पर्यटकहरु मध्ये ३७ प्रतिशत रहेको बताए ।
कोरियामा ३६ हजार इपिएस कामदार १५ सय विद्यार्थि र १ हाजर जति विवाह गरेका नेपालीहरु रहेको बताए । कार्यक्रममा निजि भ्रमणमा कोरिया आएका नेपाली कांग्रेसका सह महामन्त्री तथा पूर्व परराष्ट्र मन्त्री डा। प्रकाश शरण महतको पनि उपस्थिती रहेको थियो ।
सउल स्थित पाँच तारे होटल लोट्टेमा आयोजित कार्यक्रममा विभिन्न दूतावासका प्रतिनिधी लगायत कुटनीतिक वर्ग र नेपाली संघ संस्थाका प्रतिनिधी गरी करिब दुई सय जनाको उपस्थिती रहेको दूताबासले जनाएको छ । साथै नेपालबाट आएका लोक गायिका रितु घर्तीले संगीतिक प्रस्तुती दिएकी दिइन । रात्री भोजमा सेलरोटी, मम, पकौडा र सेकुवा लगायत नेपाली खानाका परिकार पनि राखिएको थियो ।
