३० लाख कोरियन वोन सहित गुन्सान एन एफ सी समुह विजेता

गुनसान नेपाली समाजद्वारा आयोजित तेस्रो गुनसान नेपाल कप -२०१८ फुटबल प्रतियोगिता सम्पन्न भएको छ । आइतबार भएको फुटबल प्रतियोगितामा GUNSAN N. F. C. विजेता भएको छ भने उपविजेता MAJEON F.C. भएको छ । प्रतियोगितामा विजेता टिमलाई ३० लाख कोरियन वोन साथै उपविजेता टिमलाई १५ वन सहित ट्रफी,मेडल र प्रमाणपत्र प्रदान गरिएको थियो ।

त्यसैगरी प्रतियोगितामा BEST PLAYER को उपाधि GUNSAN N. F. C. का खेलाडी गणेश राईले जितका छन् भने  HIGHEST SCORER को उपाधि दिनेश राई, BEST GOALKEEPER को उपाधि सफल बस्नेतले जितेका छन् । त्यस्तै FAIR PLAY TEAM को उपाधि EVEREST F.C.BUSAN  र BEST MANAGER को उपाधि गुनसान एनएफसि टिमका टिम म्यानेजर नविन थापालाई प्रदान गरिएको छ ।

दक्षिण कोरियाको झल्लाबुक्दो, गुनसान स्थित ओसिक्दो दोङ्गको २ वटा खेलमैदानमा सम्पन्न उक्त प्रतियोगितामा १२ समूहले भाग लिएको थियो । उक्त प्रतियोगितामा सहभागी समूह तथा प्रतियोगिता भरि आ-आफ्नो फुटबल टिमलाई समर्थन गर्न आउनुहुने सम्पूर्ण दर्शकहरुलाई पनि आयोजकले धन्यवाद प्रकट गर्र्दै विजेता र उपविजेता समूहलाई बधाई सहित थप सफलताको शुभकामना व्यक्त गरेको छ । दक्षिण कोरियामा विविध पेसा, व्यवसायमा आबद्ध रहेका नेपालीहरूमाझ आपसी सद्भाव, भ्रातृत्व र एकता विकास गर्ने उद्देश्यका साथ विगत तीन वर्षदेखि आया्ेजना गर्दै आएको गुनसान नेपाल कप फुटबल प्रतियोगिता आयोजक गुनसान नेपाली समाजका सम्पूर्ण सदस्य तथा शुभचिन्तकहरूप्रति पनि धन्यवाद व्यक्त गर्दै आगामी दिनहरूमा पनि यस्तै साथ(सहयोगको अपेक्षा र आशा पनि गरेको आयोजकले जनाएको छ ।