‘वर्ष दिनको चाडमा पनि जान पाईन घरमा’ भन्दै छन् कोरियाबाट गायक कर्साङ तामाङ (भिडियो सहित)
नेपालीहरुको महान चाड दशैं नजिकिदै गर्दा प्रवासमा रहेकाहरुलाई घरपरिवारको अझ बढी याद आउनु स्वभाविकै हो । यस्तै चाडपर्वमा चाहेर पनि आफ्नो मुलुक फर्कन नसकेको पिँडा यतिखेर युवा गायक गायक कर्साङ तामाङ ले गीतमार्फत् पोखेका छन् ।
सिन्धुपाल्चोक जिल्ला घर भई हाल बैदेशिक रोजगारको सिलसिलामा दक्षिण कोरियाको नमयानजुसिमा कार्यरत कर्साङ तामाङ काम गर्दै भए पनि नेपाली लोक तथा दोहोरि क्षेत्रमा चर्चाको शिखरमा पुगेका छन् ।
उनले पछिल्लो पटक दशैँ तिहारलाई मध्यनजर गदै बैदेशिक रोजगारको क्रममा मुलुक बाहिर रहेका परदेशीहरू घर फर्कने तयारीमा रहे पनि साहूले बिदा नदिदा घरको सम्झना र छटपटीलाई यथार्थमा नै हुबहु चित्रण गरी गायक तथा सर्जक कर्साङ तामाङले अत्यन्तै मार्मीक दशैंतिहार गीत ‘जान पाईन घरमा’ विदेश नै बसेर बजारमा ल्याएका छन् ।
सर्जक तथा गायक तामाङको उत्कृष्ट लय तथा शब्दमा तयार गरिएको उक्त गीतमा कर्साङ तामाङ र अर्चना स्याङताङले सुमधुर आवाज दिएका छन् । जेनिथ शर्माको निर्देशन रहेको उक्त म्युजिक भिडियोमा चर्चित मोडल आशा खड्का र रामचन्द्र बोहराले अभिनय गरेका छन् ।
कृष्ण पाण्डे र बिरु लामाको छायाँकन रहेको उक्त म्यूजिक भिडियोलाई सुजन शाहीले सम्पादन गरेका छन् । सुनौलो नेपाल म्युजिक प्रा।लि।ले यस गीतको बजार व्यवस्थापन गरेको छ । बैदेशिक रोजगारको क्रममा कोरियामा रहेका तामाङको पहिलो गीत ‘सिन्धु मेलम्ची हाम्रो घर’ले पनि निकैनि लोकप्रियता र चर्चा कमाउन सफल भएको थियो ।
नेपाली लोक तथा दोहोरीको क्षेत्रमा पछिल्लो समय नयाँ सिर्जना र सर्जकहरु आउने क्रःम बढ्दो रहेको छ भने लोकगीतलाई माया गर्नेको जमात पनि त्यत्तिकै रहेको पाइन्छ ।
