नेदरल्याण्डलाई हराउदै जापान क्वाटरफाइनलमा
फोनिज कोरिया संवाददाता
क्यानडामा जारी महिला विश्वकप फुटबल प्रतियोगितामा पूर्व विजेता जापान क्वाटरफाइनमा प्रवेश गरेको छ । प्रतियोगिता अन्तर्गत बुधबार बिहान सम्पन्न खेलमा नेदरल्याण्डलाई २–१ गोल अन्तरले पराजित गर्दै जापानले अन्तिम आठमा स्थान सुरक्षित गरेको हो । प्रतिस्पर्धात्मक भएको खेलमा दशौं मिनेटमानै आरोयोसीले गोल गर्दै जापानलाई सुरुवाती अग्रता दिलाइन् । दोश्रो हाफको ३३ औं मिनेटमा साकागुचीले जापानको अग्रता दोब्बर पारिन् ।
दोश्रो हाफको इन्जुरी समयमा नेदरल्याण्डकी भान डे भानले एकमात्र सान्त्वना गोल गरिन् । अब जापानले सेमिफाइनल प्रवेशका लागि अष्ट्रेलियासँग प्रतिस्पर्धा गर्नेछ ।
