तमु धीं ख्याङ्साङ्नाम्दो बुसान शाखाको प्रथम अधिवेशन सम्पन्न : अध्यक्षमा अनिस गुरुङ चयन

ख्याङ्साङ्नाम्दो बुसान क्षेत्रका गुरुङ समुदायलाई समेटेर तमु धीं दक्षिण कोरियाले ख्याङसाङनाम्दो बुसान शाखा गठन गरेको छ । किम्हेमा आइतबार भएको प्रथम अधिवेशनबाट अनिस गुरुङको अध्यक्षतामा १६ सदस्यीय कार्यसमिति गठन भएको छ ।
संस्थाका केन्द्रिय कार्यसमितिका वरिष्ठ उपाध्यक्ष एक गुरुङको स्वागत मन्तव्यसँगै शुरु भएको कार्यक्रममा ख्याङ्साङ्नाम्दो बुसानका समाजसेवी गोपाल गुरुङ, संस्थाका थेगु शाखाका सचिव बिल गुरुङ, केन्द्रिय कार्यसमितिका वरिष्ठ सल्लाहकार तथा कार्यक्रमका प्रमुख अतिथि गुप्त गुरुङ लगायतले तमु (गुरुङ) एकतासँगै हरेक क्षेत्रमा अझै निरन्तर अघि बढ्नुपर्ने खाँचो औंल्याउँदै अधिवेशन सफलताको शुभकामना व्यक्त गरेका थिए ।
अधिवेशन उद्घाटन सत्र र बन्द सत्र गरि दुई चरणमा भएको थियो । पहिलो चरणमा केन्द्रिय कार्यसमिति सउलका अध्यक्ष जीत गुरुङको सभापतित्वमा सम्पन्न भएको थियो । केन्द्रिय वरिष्ठ सल्लाहकार गुप्त गुरुङको प्रमुख आतिथी र अतिथिहरु केन्द्रिय सल्लाहकारहरु सुरज गुरुङ, अमृत गुरुङ, प्रितम गुरुङ, बिल गुरुङ तथा गोपाल गुरुङ रहेका थिए । कार्यक्रममा बुसान (किम्हे र गजेदो आसपासका तमु बुद्धिजीवी, अग्रज तथा सक्रिय महानुभावहरुको बाक्लो उपस्थिति रहेको थियो । दुवै सत्रको कार्यक्रम केन्द्रिय महासचिव लेसन गुरुङले कार्यक्रम सञ्चालन गरेका थिए ।
बन्द सत्रका लागि निर्वाचन मण्डलमा संस्थाका केन्द्रिय अध्यक्ष जीत गुरुङ संयोजकत्वमा पाँच सदस्यीय समिति गठन गरिएको थियो । यस अघि तमु धींको पहिलो शाखा गत २९ अप्रिलमा थेगुमा गठन भएको थियो ।
ख्याङ्साङ्नाम्दो बुसान क्षेत्रको प्रथम अधिवेशनलाई सभ्य र भव्य रुपमा सम्पन्न गर्न कार्यक्रममा उपस्थित समस्त तमु (गुरुङ) दाजुभाइ, दिदीबहिनीहरुलाई तमु धीं दक्षिण कोरिया केन्द्रिय कार्यसमिति सउल र नवगठित ख्याङ्साङ्नाम्दो बुसान शाखाले संयुक्त रुपमा धन्यवाद र आभार व्यक्त गरेको छ ।
ख्याङ्साङ्नाम्दो बुसान शाखाको प्रथम अधिवेशनबाट उपाध्यक्षमा जिना गुरुङ, फिलिप गुरुङ सचिवमा बिरु गुरुङ, सहसचिव जीवन गुरुङ, कोषाध्यक्ष बिक्रम गुरुङ, सहकोषाध्यक्षमा दीपक गुरुङ चयन भएका छन् । सदस्यहरुमा हेमन्त गुरुङ, प्रवेश गुरुङ, मेघराज गुरुङ, सुनिता गुरुङ, प्रिती गुरुङ, बुद्धि गुरङ, कर्ण गुरङ, दिल गुरङ र बल बहादुर गुरङ रहेका छन् ।