नेपाली संघिय समाज, दक्षिण कोरियाको आगामी फेब्रुअरी ५ तारिक तेस्रो महाअधिवेशन हुने
नेपाली संघिय समाज, दक्षिण कोरियाको आगामी फेब्रुअरी ५ तारिक तेस्रो महाअधिवेशन हुने भएको छ ।
कोरियाको नयाँ वर्षा सलनालको अवसर पारेर नेफेसो पार्टीले तेस्रो महाधििवेशनको आयोजना गर्न लागेको समाजका अध्यक्ष महेन्द्र राईले बताए ।
नेपाली संघिय समाज कोरियाले राजधानी सौल स्थित दोंग्देमुनको थाई होटेलमा बसेको बैठकले आगामी फेब्रुअरी ५ तारिक तेस्रो महा अधिवेशन आयोजना गर्ने निर्णय गरेको हो ।
तेस्रो महा अधिवेशन सफल बनाउन पार्टीका सल्लाकार चित्र बहादुर मुक्तानको संयोजकत्वमा बिभिन्न बिभाग गठन गरिएको छ ।
जसमा व्यवस्थापन पक्षमा पार्टीका संरक्षक अमृत राई, पत्राचार लगायत अन्तरिक तयारीका निम्ति महासचिब दावा रिन्जिन शेर्पा, स्वयम सेवक परिचलानको लागि उपध्यक्ष दर्पण गुरुङ, कार्यक्रममा आमन्त्रित अथिति व्यवस्थापन गर्न पार्टी सल्लाकार टिका राई, राम कुमार यादव, आर्थिक व्यवस्थापन गर्न कोषाध्यक्ष बिकास योन्जन, हाङ्ग गिम छा, निर्वाचन मण्डल संयोजकमा अमृत राई , संस्कृतिक बिभागमा उतम खजुम, लगायत कार्यक्रम प्रचार प्रशार गर्न सूचना तथा संचार बिभागमा शेर साङबो शेर्पालाई जिम्मेवारी बाँड फाँट गरिएको छ ।
नेपाली संघिय समाज दक्षिण कोरियाको केन्द्रिय महा अधिवेशन हुन अगाबै कोरियामा रहेका नेफेसो क्षेत्रीय पार्टीहरुको अधिवेशन सम्पन्न गर्न निर्देशन दिने निर्णय समेत भएको अध्यक्ष राईले बताए ।
