एनआरएन बुसान र किम्हे शाखाको परिचयात्मक कार्यक्रम सम्पन्न
गैर आवासीय नेपाली संघ बुसान शाखा र किम्हे शाखाको आईतबार संयुक्त भेटघाट, परिचयात्मक एवम् चियापान कार्यक्रम सम्पन्न भएको छ । किम्हेको लिटल इन्डिया रेस्टुरेन्टमा सम्पन्न उक्त कार्यक्रममा दुवै शाखाका प्रतिनिधिहरुको बाक्लो उपस्थिती रहेको थियो । आपासी सद्भाव भाइचारा अभिबृद्धी गर्ने, बुसान र किम्हे क्षेत्रमा आईपर्ने विविध समस्याहरुलाई एकजुट भएर हल गर्ने, आगामी दिनहरुमा हातेमालो गरि अगाडी बढ्ने उदेश्यका साथ आयोजना गरिएको कार्यक्रममा संस्थाका प्रतिनिधिहरुबिच विभिन्न बिषयमा अन्तरक्रीया समेत भएको थियो ।
कार्यक्रममा गैर आवासीय नेपाली संघ बुसान शाखाका अध्यक्ष उमेश मेवाहाङ राई र किम्हे शाखाका अध्यक्ष बेलमान थापा मगरले सस्थाका बिबिध बिषयहरुमा विशेष धारणाहरु प्रस्तुत गरेका थिए । मन्तव्यकै क्रममा गैर आवासीय नेपाली संघ बुसान शाखाका सल्लाहकारहरु चिन्तित कन्दङवा, आनन्द राई, श्रमदिप चौलागाई र रविन राईले एक आपसमा यसरी शाखाहरुले एकजुट भएर लागिपरे जस्तोसुकै आइपर्ने कठिनाईहरु हल गर्न सहज हुने धारणा राखेका थिए ।
