दक्षिण कोरियामा मृत्यू भएका परिवारलाई थारु कल्याणकारिणी सभाले गर्यो आर्थिक सहयोग
केही समय अघि आफ्नै होस्टलमा सुतेको बेलामा मृत्यु भएका कैलालीका २८ वर्षीय प्रमोद चौधरी र सडक दुर्घटनामा परि उपचारको क्रममा मृत्यु भएका पर्साका पर्सागढी नगर पालिकाका ४५ वर्षीय ओम प्रकाश चौधरीका परिवारलाई थारु कल्याण कारीणी सभा दक्षिण कोरियाले आर्थिक सहयोग गरेको छ । मंगलबार काठमाडौमा एक कार्यक्रम आयोजना गरेर थाकस दक्षिण कोरियाका निबर्तमान अध्यक्ष पुष्प चौधरीले सो सहयोग परिवारलाई दिएका हुन् ।
‘हामीले परिवारलाइ केही होस भनेर थोरै सकेको सहयोग गरेका हौ ।’ थाकस दक्षिण कोरियाका अध्यक्ष शिव चौधरीले भने । ‘सहयोग हामीले प्रमोद चौधरीको श्रीमती सरीता चौधरीलाई १ लाख ८० हजार ८३८ रुपैयाँ र अर्का मृतक ओम प्रकाश चौधरीका छोरा विश्व प्रताप चौधरीलाई १ लाख ९६ हजार ९५ रुपैयाँ सहयोग गरेका हौ ।’
थाकसले आफ्नो कोषबाट तीन लाख वन र बाँकी संस्थाका सदस्य तथा शुभचिन्तकहरुबाट उठाएको सहयोग भएको बरिस्ट उपाध्यक्ष शिबशंकर महतोले बताए । ‘परदेशमा मृत्यू भएका परिवारको लागि सानै भए पनि हामीले मिलेर सहयोग गर्यो । यो राम्रो कुरा हो । सबै साथीभाइको सहयोगले यो काममा सफल भयौ ।’ उनले भने ।
थारु कल्याणकारीणी सभा दक्षिण कोरियाले यस अघि पनि दक्षिण कोरियामा थाइराइडका विरामी भएका चितवन बछौलीका जीतबहादुर महतोलाई १ लाख ४० हजार सहयोग गरेको थियो । त्यस्तै नेपालमा गत बर्ष बाढी पीडितका लागि न्युज २४ का सिधाकुरा जनतासंग कार्यक्रम संचालक रवि लामिछाने मार्फत १ लाख ५ हजार ५०० रुपैयाँ सहयोग गरेको थियो । त्यस्तै चितवनका सन्जीत महतोको उपचारका लागि १ लाख ५ सय, शुद्धोदन गाउँपालिका वडा नं. २ गोपालपुर रूपन्देही मुटु रोगी रिमा थारूलाई १ लाख १५१ र वैदेशिक रोजगारीको क्रममा साउदी अरेबिया गएका चितवनका मिर्गौला पिडित हरेराम महतोलाई ८० हजार आर्थिक सहयोग गरेका थिए ।
