देबिन्द्र काउचा र दिपा गुरूङकाे नयाँ झ्याउरे गीत ‘भुरूरू उड्ने चरी’ बजारमा
कोरियालाई कर्म थलो बनाएका प्रदेशी गायक तथा सर्जक राष्ट्रिय लोक तथा दोहोरी प्रतिष्ठान नेपाल,कोरिया शाखाको सल्लाहकार देबिन्द्र काउचा मगरले फेरी एउटा विशुद्ध मौलिक झ्याउरे गीत ‘भुरूरू उड्ने चरी’नामक निकै मिठो गीत लिएर आएका छन।
गीत सृजनामा अब्बल मानिने साथै रहस्यमय स्वरका जादु भएका गायक काउचाको यस भन्दा अगाडी आफ्नै स्वरमा ‘किन खोज्छ्यौ जोरी मायालु’नामक पन्चे बाजा,बेशी तिर झर दोहोरी गीत,बचनले रेट्ने मायालाई,बैश छदै सालैजो,यस्तै यस्तै दर्जनौ गीतहरू बजारमा आईसकेका छन।कोरिया जस्तो ब्यस्त शहरमा रहेर पनि आफ्नो कला संस्कृतिलाई जोगाई राखेका काउचाले प्रदेशीका कथा ब्यथालाई जस्ताको त्यस्तै गीतमा उतारेर ‘प्रदेशी’ नामक एकल लोक गीतहरू पनि बजारमा पस्किसकेका छन।
यस गीतमा संगै खेलेको बनपाखा डुलेको हितैको मायाको स्मरण गर्दै एउटा मौलिक,टिपिकल र सरल लय शब्दमा तयार भएको उक्त गीत दीपा गुरुंगको प्रस्तुतिमा रहेको गीतमा दीपा गुरुंग आफैले काउचालाई स्वरमा साथ दिएका छन।त्यसो त यी दुईको जोडी सुरूवाटी देखी नै जमेकोछ।काउचाका धेरै जसो गीतहरूमा दीपा गुरुगंकै स्वर पाईन्छ।कोरियामै रहनु हुने कुशल सर्जक मुन राना मगरको शब्दमा रहेको गीत लय भने गायक आफैले बनाएका हुन।
कमल सौरागको एरेन्जमा तयार भएको गीत मारूनी स्टूडियोमा अर्जुन बिरहीको रेकडिंग रहेको उक्त गीत मौलिक गीतहरूमा निर्देशनमा अब्बल मानिने कुशल निर्देशक यम गुरूगंको रहेको छ।अभिनयमा निर्देशक स्वयम् र बिष्णु दगामी मगरको रहेको छ।शम्भु चालिसे र भिषण काउचा मगरको छायांकन रहेको गीतमा बिष्णु शर्माले सम्पादन गरेका छन भने गायक काउचाकै आफ्नै यूट्युब मार्फत सार्बजनिक भएको छ।
यसै गरि आफ्नै स्वरमा रहेको ‘फेश बुकमा भेटेकी माया’नामक दोहोरी गीतको सम्पूर्ण कार्य तयारी रहेको र अब छिट्टै बजारमा आउने जानकारी दिएका छन।बाग्लुगंको माटोमा जन्मिएका काउचाले प्रबासमा रहेर पनि आफ्नो कला संस्कृति मार्फत प्रवासीहरूको मन जित्न सफल बनेका छन
