गत हप्ता निधन भएका धनसिं तामाङको श्रद्धान्जली सभा कार्यक्रम सम्पन्न
नेपाल तामाङ संघ दक्षिण कोरिया र चितवन सम्पर्क समितिले गत बुधबार निधन भएका धनसिं तामाङ (बोम्जन) को श्रद्धान्जली सभा गरेको छ । गत बुधबार तामाङको हृदयघातका कारण मृत्यू भएको थियो ।
श्रद्धान्जली सभामा नार्गाजुन गुम्बाका लामा प्रमुख उर्गेन लामाले बौद्ध पराम्परा अनुसार पुजापाठ गरेका थिए । कार्यक्रममा मृतक तामाङको श्रीमती र छोरीज्वाइ उपस्थित थिए ।
‘विदेशमा अप्ठ्यारो पर्दा यसरी सबै एकै ठाउमा जम्मा भएर सहयोग सान्त्वना दिन सक्नु राम्रो पक्ष हो ।’ नेपाल तामाङ संघ दक्षिण कोरियाका अध्यक्ष मेघप्रसाद वाईवाले भने । ‘अप्ठ्यारो अबस्थामा सबैलाई साथ सहयोग गर्न हामी सधै तत्पर छौ । त्यसैको उदारहरणको रुपमा यो कार्यक्रमलाई लिन सकिन्छ । छोटो सुचनाको आधारमा कोरियामा रहेका बिभिन्न संघसंस्थाका प्रतिनिधि आउनु भयो । हाम्रो तर्फबाट धन्यबाद ।’ उनले कृतज्ञता ज्ञापन गरे । चितवन सम्पर्क समितिका अध्यक्ष भोला पौडेलले परदेशी भूमीमा परेको पीडालाई एक जनाको मात्रै नठानेर कार्यक्रममा आउनु भएकोमा धन्यबाद दिए । उनले सबै दुख सुखमा सबै नेपालीहरु एकजुट हुनुपर्ने बताए ।
मृतक बम्जन प्रति श्रद्धान्जली व्यक्त गर्न गैरआबासीय नेपाली संघ दक्षिण कोरियाका अध्यक्ष लक्ष्मी गुरुङ, नेपाल आदिबासी जनजाति महासंघ दक्षिण कोरियाका कार्यवाहक अध्यक्ष मल्लिका थकाली, वुमन फर वुमनका अध्यक्ष पदमा श्रेष्ठ, तीन नम्बर प्रदेश एकता समाजका अध्यक्ष किसोर ब्लोन लगाएत विभिन्न सामाजिक संघसंस्थाका प्रतिनिधिहरु उपस्थित भएका थिए ।
मृतक बम्जनका परिवारलाई उपस्थित संघसंस्थाका प्रतिनिधीहरुले आर्थिक सहयोग पनि गरेका थिए ।
