आदिवासी जनजाति महासंघ ख्वांजु शाखाले जनवरी १२ मा वृहत सांस्कृतिक कार्यक्रम गर्ने

नेपाल आदिवासी जनजाति महासंघ दक्षिण कोरिया ख्वांजु शाखाले जनवरी १२ मा वृहत सांस्कृतिक कार्यक्रम गर्ने भएको छ ।
विगत वर्षहरू जस्तै यस पटक पनि महासंघ ख्वांजूले आदिबासी जनजातिको चाडलाई संयुक्त रुपमा एकै पटक मनाउने लागेकाे हाे ।
मौलिक भाषा लिपी र संस्कार हाम्रो पहिचान, ऐतिहासिक सास्कृति र परम्पराको विकास र संरक्षण हाम्रो अभियान भन्ने मुल नाराको साथ नेपालको राष्ट्रिय मौलिक चाडहरु तमु ल्होछार, सानाम ल्होछार र ग्याल्बो ल्होछार त्यस्तै माघी तथा उधौली चाडलाई एकै ठाउँमा मनाउन लागिएकाे हाे । अघिल्ला बर्षमा पनि यसै गरी एकै पटक कार्यक्रम गरिन्थ्याे ।
कार्यक्रममा शुभकामना आदानप्रदान तथा सांस्कृतिक साझ हुनेछ । उक्त कार्यक्रमको दिन लामा गुरुहरुले प्रवचन तथा स्थानीय कलाकारहरुको बेजोड प्रस्तुति रहने आयोजकले बताएको छ । साथै नन् स्टप डिजेको मनोरञ्जनका साथमा मौलिक संस्कृतिक परिकारहरुको आनन्द पनि लिन सकिनेछ ।
कार्यक्रम ख्वांजुकाे ५७ पार्टी टाउन ख्वांजु (57파티타운,광주) मा बेलुकी ७ वजेबाट विहानकाे ५ बजेसम्म हुनेछ ।
कोरियामा रहेर बिभिन्न पेसा ब्यबसाय गर्नु हुने आम नेपाली दाजुभाई तथा दिदीबहिनीहरुमा कार्यक्रम सभ्य र भब्यरुपमा सफल बनाउनको लागि उपस्थितिको लागि अायाेजकले अनुरोध गरेकाे छ ।