सुवनमा सलनालको पहिलो र दोस्रो दिन अन्तराष्ट्रिय स्तरको डान्स पार्टी हुने
दक्षिण कोरियामा सलनालको अबसरमा डान्स पार्टी हुने भएको छ । सुवन स्टार गु्रपले नेपालीहरु धेरै बस्ने सुवनमा उक्त डान्स पार्टी आयोजना गर्ने भएको हो । डान्स पार्टी २ दिन हुनेछ । नेपाली युवाहरुको चाहना अनुसार कोरियाको पर्यटकीय शहर सुवनमा कार्यक्रम गर्न लागेको जनाएको छ ।
सलनालको लामो बिदामा रमाइलो गर्न फेबु्रअरी तीन र चार तारिखको बेलुकी डान्स पार्टी गरिने छ । कोरियन नयाँ बर्षको चिसो मौसमलाई च्यालेन्ज गर्दै अन्तराष्ट्रिय डिजेहरुको साथमा मनोरञ्जन लिन सकिने आयोजकले जनाएको छ । अन्तराष्ट्रिय स्तरको डान्स पार्टी र प्रस्तुति हुने भएकोले सबै नेपाली समुदायलाई कार्यक्रममा आउन सुवन स्टार गु्रपले आग्रह गरेको छ । कोरियन नया वर्ष मनाउदै विदाको भरपूर मनोरंजन लिन डान्स पार्टी गरेका हौ, सुवन स्टार ग्रुपको भनाई छ ।
दक्षिण कोरियामा अहिले भैरहेको भन्दा राम्रो डान्स पार्टीहरु हुने आयोजकले दाबि गरेको छ । अरु ठाउँमा हुने डान्स पार्टीमा नाम मात्रैको डिजे हुन्छन् । हामी अन्तराष्ट्रियस्तरका डिजेका साथमा आउछौ । त्यसैले लामो समय कम्पनीको कामले थाकेको ज्यानलाई मनोरञ्जन दिनको लागि डान्स पार्टीमा आउन सुवन स्टार गु्रपले आग्रह गरेको छ ।
