३३किलो सुन
देशको मुटुमा
हजुर आमाको सपुत
नाङ्गो नाच्दै गर्दा
ग्लामरको उपमा पाएका
भाग्यशाली मामा
आलोचनाको
आगोहरु दन्किन
थाले पछी निभाउनमै
ब्यस्त हुन थाले
नदेखाउने कुरा देखाएपछि
रहस्यहरु खोतल्दै गए पछी
शन्काको हावा हुरिमा
हुर हुर्ती आलोचनाको भ्वारो
फैलिने नै भयो इज्जत मैलिने नै भयो
गर्न नसक्ने कुरा गर्न सक्छु भन्दा
सकिन भने झुण्डी मर्न सक्छु भन्दा
उदाङ्गिने भयो नैतिकता
गर्न नसक्दा मर्न नसक्दा
खोला पारी तर्न नसक्दा
हजुर आमाको सपुतहरु
लाजको सिरक ओढी
पुसमाघको जाडो काट्न थाले
हजुर बुवाको तीन जना
श्रीमतिहरु तिनै हजुर आमा
बाट जन्मिएका मामाहरु
आ आफ्नै बहुल्यतामा
समय घटनाक्रम अनुसार
कहिले कम्जोर कहिले
बलियो हुँदै आइरहेका
दृष्टान्त छरपस्ट बिस्कुन
सुकाएसरि छरिन थाले
हजुर बुवा
छोराहरुलाई उताराधिकारी
बनाएर स्वतन्त्र बनेका छन
देशको मुटुमा मेरो मामा घर
त्यो घर भित्र भाड भैलो
आरोप प्रत्यारोपको बाण
फाला फाल
समाज वाक्क दिक्क
छिमेकीको रमिता
समाजमा बिभिन्न समस्या
त्यस्को जिम्मेवारी
मेरो मामाहरु लिने पक्षमा
कुनै हालतमा छैनन
किन कि स्वाभिमानको
कुरा छ पहिचानको कुरा छ
समय घटनासँगै छिमेकी
देखी लुकाएरल्याएको
३३ किलो सुन हरायो
मामाहरुले नै यो कुरा ओकल्दै
नाङ्गो नृत्य देखायो
फलस्वरुप ग्लामरको
उपमा वाह वाहको
ताली पाए तर आफै
बदनामी हुन लागे
मामाहरुले ३३ किलो सुन
देशको कुना कुना
खोज्दैछन भने भान्जोहरुले
सात समुन्द्र पारी प्रवासमा
त्यो हराएको सुन खोज्दैछ्न
नभेटिएसम्म मामाको
इज्जत जोगाउनको लागी
भान्जाहरुले खोजिरहनेछन
स्वास्थ्य र उमेरले
डाडा नकाटे सम्म
आहाले ३ हर्दिया धनकुटा
हाल: दक्षिण कोरिया
