सत्यको खोजि
कविता/
म
अझै,
एउटा सत्य खोजिरहेछु,
मृत्यु भन्दा अर्को ध्रुवसत्य।
जन्म पनि त
सत्य हो नि,
अनि जन्माउने आमा
भेट्छु,देख्छु र
पाउँछु उत्तरहरु
तर,
भन्न सक्दिन यो नै सत्य हो भनेर,
किन कि,
यि सत्यहरु त
सबैले भेटेका, देखेका र भोगेका
सत्यहरु हुन।
त्यसैले,
अझै,सत्य खोजिरहेछु,
मृत्यु भन्दा अर्को ध्रुवसत्य।
लाग्छ,
कहिलेकहीँ सत्यको पंत्तिमा
म आफैलाई पनि भेट्दिन।
भेटु पनि कसरि ?
मेरो पर्यायवाची रक्सि हो भन्छन।
तर,
मदहोसिमा सत्य ओकल्ने बानिले,
आजकाल,
मैले रक्सिको पैसा तिर्नु पर्दैन।
अनि,
आफै गम्छु,
सांसद भवन देखिलिएर,
अदालत, पुलिस थाना/चौकि सबैमा
रक्सि पिएर,
कार्यभार सहाल्ने निति हुनु हो भने
भ्रष्टाचार त दूरको कुरा
सत्य ओकलिन्थे
आहाँ१
सत्यबादि नेता,
सत्यबादि हाकिम,न्यायधिस,पुलिस अफिसर
यति भएपछि,
हाम्रो देश हाम्रै जस्तो हुन्थ्यो।
विनोद चौधरि र शेष धले दाहरुले
निडर भएर
सबै पुजिले आफ्नै देशमा कलकारखाना खोल्थे।
पुन्टे,नेप्टे र चुचेहरु
अरवको तातो घाममा सेकिन जानु पर्दैनथ्यो।
अनि,
बलत्कार पछि मारिएका
बालिका निर्मलाहरुले न्याय पाउथे।
यसअर्थ,
सत्य खोजिरहेछु।
पाचथर
हाल दक्षिण कोरिया
