अमेरिकाको जर्सी सिटी र इन्द्रावती गाउँपालिकाबिच सिस्टर सिटीको सम्झौता


 

ङिमा पाख्रिन/न्युुजर्सी

अमेरिकास्थित न्युजर्सी राज्यको जर्सी सिटी काउन्सिल र सिन्धुपाल्चोकको इन्द्रावती गाउँपालिकाबीच सिस्टर सिटी अर्थात भगिनी सम्बन्ध कायम भएको छ । स्थानीय समयअनुसार जनवरी २४ मा आयोजित कार्यक्रममा जर्सी सिटीका मेयर स्टेभन फुलप र इन्द्रावती गाउँपालिकाका अध्यक्ष वंशलाल तामाङले सहमति पत्रमा हस्ताक्षर गरे ।

दुई शहरबीच शैक्षिक, प्राविधिक, सांस्कृतिक, कृषि, सामाजिक विकास, आर्थिक लगानी, वातावरणीय, आविष्कार, प्रसाशनिक तथा मानव साधनस्रोत, सुशासन, खेलकुद लगायतका क्षेत्रमा आदानप्रदान गर्नेसहितका आठ बुँदा सहमति पत्रमा रहेको छ। यो सँगै अन्य मुलुकका शहरसँग सिस्टर सिटी बन्ने इन्द्रावती नेपालको पहिलो गाउँपालिका बनेको दाबी छ ।

भगिनी सम्बन्ध स्थापना भएपछि आफूलाई निकै खुसी लागेको गाउँपालिकाका प्रमुख तामाङले बताए । दुई देशबीच विभिन्न विषय आदानप्रदानसमेत हुने उनले बताए । सम्झौता पत्रमा हस्तक्षर गर्न गाउँपालिका प्रमुख तामाङ अमेरिका आइपुगेका हुन् ।

 

यसरी भयो सम्भव
गाउँपालिका अध्यक्ष तामाङ ग्रीनकार्ड त्यागी स्थानीय निर्वाचनमा होमिएका थिए । उनको विकासको प्रतिवद्धतामा जनताले विश्वास गरी उनलाई अध्यक्षतामा निर्वाचित गरेका थिए । अमेरिकी नेपालीसँगको सम्बन्ध राम्रो रहेको र उदाहरणीय काम गर्न रुचाउने नेताका रुपमा चिनिएका अध्यक्ष तामाङले सिस्टर सिटी बनाउन प्रयासरत थिए ।

सोही क्रममा जर्सी सिटी मेयर फुलपकी सल्लाहकार तथा दुई शहर बीचकी विशेष दूतको रूपमा नियुक्त डा. विष्णुमाया परियारको पहल र नेतृत्वमा यस्तो सम्झौता भएको हो । सम्झौता सफल भएपछि खुसी हुँदै डा. परियारले भनिन्, ‘हाम्रो सिटीमा अरु देशको झन्डा फर्फरिन्थ्यो। हाम्रो देशको झन्डा कसरी फरफराउने? म यही प्रश्नको जवाफको खोजीमा लागे ।’

सिस्टर सिटी बनाए यो सम्भव देखिएपछि आफु यो अभियानमा लागेको उनले सुनाइन्। भनिन् ,’त्यसैले म यसका लागि लागें । म गोर्खाको छोरी । मलाई गोर्खामा पनि बनाउन प्रेसर आएको थियो। तर यो अवसर इन्द्रावतीले पायो ।’

औपचारिक रूपमा सिस्टर सिटी बनाउन जर्सी सिटी काउन्सिलले गत डिसेम्बर १९ तारिख काउन्सिल रिजोलुसन पारित गरेको थियो । जर्सी सिटी मेयर फुलपले २०१७ जुन ३० तारिख अमेरिकी भूमिमा नेपाली झण्डा फहराउने ऐतिहासिक समारोह आयोजना गरिसकेका छन् । सिटी हल भवन भित्र नेपालको झण्डा फहराउने जर्सी सिटी पहिलो अमेरिकी शहर हो ।

यसअघि जर्सी सिटीले सन् २०१५ र २०१८ मा काउन्सिल प्रेसिडेण्ट रोलाण्डो लाभारो र डा. परियारको तत्परतामा अमेरिकामा रहेका नेपालीको लागि टेेम्पोररी प्रटेेक्टेेट स्टाटस् (टिपिएस) काउन्सिल रिजोलुसन पारित गरिएको थियो । टिपिएस रिजोलुसन पास गर्ने जर्सी सिटी एक मात्र अमेरिकी शहर हो ।

 

दुई शहरको अवस्था यस्तो छ

इन्द्रावती गाउँपालिका़ परिचय
इन्द्रावती गाउँपालिका १०५.११ वर्ग.कि.मी. क्षेत्रफल रहेको छ । यस गाउँपालिकामा १२ वडाहरु रहेका छन् । राष्ट्रिय जनगणना, २०६८ अनुसार इन्द्रावती गाउँपालिकाको जनसंख्या २८,५१७ रहेको छ । यहाँ सबैभन्दा बढी तामाङ जाति ७४१४ जना (२६ प्रतिशत), दोस्रोमा ब्राम्हण (पहाडी)४२८३ जना (१५.०२ प्रतिशत) र तेस्रोमा क्षेत्री ४१८४ (१४.६७ प्रतिशत) हरुको बसोबास रहेको छ ।

यस गाउँपालिकामा प्रमुख पेसा कृषि हो । विभिन्न समुदाय, जातजातीका मानिसको बसोबास रहेको यस क्षेत्रमा विभिन्न चाडपर्व दशैंतिहार, लोसार, माघे सक्रान्ति, चैते दशै आदि मनाउने गरिन्छ । यहाँका गाउँपालिका अध्यक्ष तामाङ नेपाली कांग्रेसबाट निर्वाचित हुन् । तामाङ हाल गाउँपालिका महासंघका महासचिवसमेत हुन् ।

जर्सी सिटी
५४.५९६ वर्ग किलोमिटरमा फैलिएको जर्सी सिटी न्यु जर्सी राज्यको सबैभन्दा दोस्रो धेरै जनसंख्या भएको शहर हो। जर्सीमा २ लाख ७० हजार जनसंख्या रहेको छ। यहाँका मेयर डेमोक्रेटबाट निर्वाचित भएका हुन् । जातीय विविधताका लागि प्रख्यात रहेको जर्सी सिटीले हालसम्म पेरु, भारत, चीन, फिलिपिन्स, इजरायल, ब्राजिल, स्पेन, इटाली, अर्जेन्टिनाजस्ता मुलुकका दर्जन सहरसँग विभिन्न समयमा सिस्टर सिटीको सम्बन्ध कायम गरिसकेको छ ।
Photo Cortsey: Lal Tamang Pakhrin

आफ्नो प्रतिक्रिया दिनुहोस |
सम्बन्धित शिर्षकहरु
  • बुख्याँचा बादशाह
  • जिन्दगीको जेब्रा क्रसिङ
  • सकुनि छिमेकी
  • क्याकटस फूल
  • ईपिएस

    ‘घर जाउँ प्लेन उड्दैन, बसूँ भिसा छैन’

    आसिक नेपाल अप्रिल ६ मा स्वदेश फर्कन तयारी अवस्थामा थिए । फलामका सामान बनाउने कम्पनीमा तीन वर्षदेखि काम गर्दै आएका उनले कम्पनीबाट हिसाब–किताब र बिदा लिइसकेका छन् । तर सरकारले कोभिड–१९ संक्रमण फैलिएका देशबाट आउने उडान अप्रिल १२ सम्म बन्द गर्ने निर्णय गरेपछि उनी ...

    रोजगार अनुमति प्रणाली (ईपिएस)को सुधारको माग गर्दै कोरियाली संबैधानिक अदालतमा मुद्दा दायर

    रोजगार अनुमति प्रणाली (इपिएस) को सुधारको माग गर्दै बुधबार कोरियाली संबैधानिक अदालतमा मुद्दा दायर गरिएको छ । कोरियाका मजदुर संगठनहरु प्रवासी मजदुर संगठन(एमटियू) र कोरियाली मजदुर संगठन(केसीटियू) अगुवाईमा ईपिएस मार्फत काम गरिरहेका विभिन्न देशका कामदारले सो मुद्दा ...

    हालसम्म ५८ जना नक्कली प्रशिक्षार्थी मार्फत परिक्षा दिएर आएका नेपाली पक्राउ : ५३ जनालाई नेपाल फिर्ता ५ जना अध्यागमनको नियन्त्रणमै

    कोरियाली अध्यागमन बिभागले एक विज्ञप्ती मार्फत हालसम्म ५८ जना नेपाली पक्राउ परेको जनाएको छ । यस मध्ये ५३ जनालाई नेपाल टिर्पोट गरिएको र ५ जनालाई थप अनुसन्धान गरिरहेको अध्यागमन बिभागले जनाएको छ । कोरियाली भाषा परिक्षाको प्रवेश पत्रको फोटो र कोरिया प्रवेश गरेर ...

    महिला / बालबालिका

    काेरियालीसँग विवाह

    नेपालमा हुँदा बाला राई व्यस्त पत्रकार थिइन् । झण्डै एक दशक मुलधारको पत्रकारिता गरेकी उनी राम्रो फिचर लेख्थिन् । उनको रुची कला र रंगमञ्च थियो । ...

    काेरियाका नेपालीकाे लागि साहासिक सामाजिक नेतृ अञ्जु केसी

    सन १९९३ मा कोरियामा स्थापना भएको सामाजिक संस्था नेपाली सम्पर्क समिति २६ बर्ष पुगि सक्यो। कोरियामा रहेका नेपालीहरुको दुख सुखमा हातेमालो गर्दै ...

    वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

    वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् । अन्य ...

    कोरियामा वुमन फर वुमन संस्थाको कार्यलाई हेर्दा

    सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, ...

    error: Content is protected !!