जातिय छुवाछुत तथा बिभेद विरुद्धको अभियानका लागि “सशक्त दलित एकता समाज दक्षिण कोरिया”को स्थापना
दक्षिण कोरिया । दक्षिण कोरियामा रहेका दलित समुदायद्वारा “जातिय छुवाछुत तथा बिभेद विरुद्धको सशक्त अभियान” संचालन गर्ने भएको छ । त्यसको लागि “सशक्त दलित एकता समाज दक्षिण कोरिया” नामक संस्थाको स्थापना भएको छ ।
कोरियामा स्थापित विश्वकर्मा समाज र परियार समाजको पहलमा रोजगारीको शिलशिलामा कोरियामा रहेका दलित समुदायका युवा, ब्यवसायि, बिद्यार्थी तथा बुद्धिजीवी लगायतको उपस्थितिमा भएको भेलाले घनश्याम विश्वकर्माको अध्यक्षतामा १९ सदस्यीय कार्यसमिति गठन गरेको हो ।
फेब्रुअरी ५, मंगलबार सउलको दोङ्देमुनमा भएको उक्त भेलाबाट बरिस्ठ उपाध्यक्षमा प्रेम परियार, उपाध्यक्षमा आशिष मान्बु(नेपाली) र महासचिवमा अर्जुन परियारको चयन भएको छ । सचिवमा गौरि सदासंकर, सह-सचिवमा सुदिप परियार, कोषाध्यक्षमा नेत्र परियार र सह-कोषाध्यक्षमा सुरेश परियार रहेका छन् । सदस्यहरुमा अमृत विश्वकर्मा, कमल परियार, सन्दिप नेपाली, राम कुमार बि.क., जसु बराइली, विबेक नेपाली, इसु सुनार, संगिता परियार, कुलमान बि.क., सुनिल सेन्चुरि र अंकित नेपाली रहेका छन् ।
त्यस्तै बिश्वकर्मा समाजका अध्यक्ष सन्तोष कश्यप(बि.क.) र परियार समाजका अध्यक्ष बिनोद सेवा(परियार)को संरक्षकत्वमा स्थापित उक्त संस्थाको प्रमुख सल्लाहकारमा भिम बराइली तथा सल्लाहकारहरुमा मनोज गौतम र सन्तोष बराइलि रहेका छन् ।
नेपालको संबिधान २०६३ ले छुवाछुत मुक्त राष्ट्र घोषणा गरि २०६८ सालमा जातीय भेदभाव तथा छुवाछूत कसुर सजाय ऐन जारी गरेतापनि ब्यबहारिकरुपमा भने अझै मौलाइरहेको अबस्थामा यस नवगठित संस्थाले छुवाछूत बिरुद्ध सशक्त भुमिका निर्वाह गर्ने जनाएको छ ।
