निलकमल फुल्यो गित लिएर आए गायक कमल बिरही थापा
नेपाली मन नेपालीपन जहाँ पुगे पनी आफ्नो भाषा संस्कृति प्यारो लाग्ने गर्दछ । फलस्वरुप दक्षिण कोरिया आफ्नो कर्मथलो बनाएका गीतकार, गायक तथा संगीतकार कमल बिरही थापाले ‘नीलकमल फुल्यो’ भन्ने बोलको गण्डक क्षेत्रको अत्यन्तै प्रचलित भाका ‘सालैजो’ गीत लिएर म्युजिक नेपालबाट नेपाली बजारमा आएका छन । रिलिज भएको एक दुई दिनमै धेरै स्रोताहरुको मन मुटु छुन सफल भइरहेको छ।
उक्त गितमा स्वर शब्द तथा लय कमल बिरही थापाको रहेको छ भने चर्चित लोक दोहोरी गायिका टिका पुनले साथ दिएकी छिन। जसमा एरेन्ज तेजेन्द्र गुरुङ,सल्लाह तथा प्रेरणा वरिष्ठ लोक गायक तथा चलचित्र निर्देशक नारायण रायमाझी र सन्तोष रेश्मी मगरले दिएका हुन ।
लामो समय देखि नेपाली संगीत क्षेत्रमा निरन्तर लागी परेका गीतकार, गायक तथा संगीतकार कमल बिरही थापाले यसअघि बाटोमा ढुङा (आधुनिक), सुदुरपश्चिम मेरो जन्मथलो रोयाको छ(डेउडा), बुद्ध जन्मे कहाँ, तिम्रो त्यो जवानी छुँदा, ढाक्यो धर्ती, सिमलडाडे दाइ लगायतका गीतहरुमा स्वर, शब्द तथा लय पस्किसकेर धेरै स्रोताहरुको मन जितिसकेका छन् ।
