अल बिदा रबिन्द्र अधिकारी… !
कास्की जिल्ला तत्कालिन भरतपोखरी गाविसमा बुबा इन्द्र प्रसाद र मुमा लक्ष्मी अधिकारीको कोख बाट जेष्ठ सुपुत्रको रुपमा २०२६ बैशाख २२ गते जन्मिएका नेपाल सरकारका संस्कृती, पर्यटन तथा नागरिक उड्डयन मन्त्री रबिन्द्र अधिकारी सहित अरु ६ जना चढेको हेलिकप्टर ताप्लेजुंगमा हराइरहेको र शकुसलताको कामना गरी पोष्ट गरिएका स्टाटसहरु देख्दा झस्याङ भए । लगत्तै फेरि सामाजिक सन्जालका पोष्टहरु हार्दिक श्रदान्जली र समबेदनामा परिनत भएको देखेर भावविह्वल हुन पुगे ।
जन्मे पछि मृत्यु अवश्यंभावी छ । यो प्रकृतीको नियम नै हो अथवा मृत्यु शाश्वत सत्य हो । तर अल्पायुमै दुर्घटना बाट हुने मृत्यु र हत्या हिंसा जस्ता अस्वभाविक मृत्युहरु हामिले भोगिरहेका हुन्छौ र हामिलाई भावविह्वल बनाइरहेका हुन्छन् ।
सामाजिक जिवनमा होमिएर देश र जनताको पृय बनेका रबिन्द्र अधिकारीको दुर्घटना बाट हुन गएको अकल्पनिय मृत्यु देश र जनताको निम्ती अपूरणीय क्षति हो । आजका युवा बिध्यार्थीहरुले युगौसम्म सम्झिने वहॉको मुख्य योगदान भनेको अध्यनरत बिध्यार्थीहरुको लागी पहिले ३३% र पछि ४५% सम्म सवारी साधनहरुमा उपलब्ध गराइने भाडा छुट हो ।
पृथ्बीनारायण क्याम्पसको स्वबियु सभापति र केन्द्रिय क्याम्पस त्रिबिको सभापति हुँदा गरिएका बिध्यार्थिका हक हितका कार्यहरु इतिहासमा दर्ज भएका छन् ।
राष्टीयताको लागि वहॉको योगदान अनेरास्वबियु अध्यक्ष हुदॉ कालापानीमा मार्च पास, लक्ष्मणपुर बॉधले नेपालको भुमि बर्षेनि ढुबान पारेकोमा शसक्त विरोध र सिमा सुरक्षाको निम्ती सक्दो अभियान चलाएर राष्ट्र प्रेमको छवि भनाएका थिए ।
सर्वसाधारण जनताको छोरा कास्की कै एक कुशल गायक प्रबिण गुरुंगको तत्कालिन शाहज्यादा पारस शाह द्वारा गरिएको निर्मम हत्याको बिरुद्धमा ५ लाख २३ हजार सर्व साधारणको हस्ताक्षर संकलन गरेर दरबारमा बुझाएर पारस लाई जेल चलान गर्नु पर्छ भन्दै तत्कालीन राज्य शक्तिको बिरुद्धमा अवाज उठाउन सक्ने निडर विध्यार्थी नेता थिए ।
संघर्ष र मेहनेतका पर्याबाची ब्यक्ति भन्दा अतियुक्ती नहोला किनकी उनी ०४५मा पृथ्बिनारायण क्यापसका स्वबियु सदस्य निर्बाचित भए पछि सक्रिय भएर विभिन्न उदाहरणीय कामहरु गरेका छन् जसको बर्णन यो छोटो लेखमा गर्न म असमर्थ छु ।
देशमा जनआन्दोलनको रापताप थियो केन्द्र पोखरा र प्रत्य़क्ष नेतृत्व पृथ्बिनारायण क्याम्पस कै युवा बिध्यार्थीको नाताले रबिन्द्र अधिकारीको कॉधमा थियो । तत्कालिन स्वबियु सभापति झलक सुबेदी हुनुहुन्थ्यो वहॉहरुले कलेज ०४७ बाट छाडेपछि स्वबियुको नयॉ चुनाब हुन नसकेकोले नाम उही कार्यकारी जिम्मा रबिन्द्र अधिकारी लाइ थियो । ०४९ मा स्वबियुको चुनाब भयो र सभापति रबिन्द्र अधिकारी निर्बाचित हुनुभयो । त्यसपछि पृथ्बिनारायण कलेजमै पनि उल्लेख्य सुधारका काम भए । ०५३ मा केन्द्रिय क्याम्पस त्रिबिमा पनि सभापतिमा निर्बाचित हुनुभयो । देश भरिका कलेजहरुको स्वबियु काउन्सिलमा पनि संयोजक हुनुभयो ।
वहॉ विद्यार्थी राजनितीमा अबिचलित अगाडी बड्नु भयो ।अनेरास्वबियुको कास्की जिल्ला अध्यक्ष हुदै अन्चल कमिटी अध्यक्ष र केन्द्रिय सदस्य, माहासचिब हुदै अञ्चल अध्यक्ष हुनुभयो । ब्यबस्थापनमा स्नातकोत्तर गरेका अधिकारीका बिभिन्न लेखहरु र कृतीहरु पनि प्रकाशित छन । संबिधान सभा, लोकतन्त्र र राज्य पुनरसंरचना नामक कृती पाठकको रोजाइमा परेको कृती हो ।
विद्यार्थी राजनिती बाट पाटी राजनितीमा होमिएका अधिकारी तत्कालीन नेकपा एमाले कास्की जिल्ला कमिटी सचिब २ पटक, अन्चल कमिटी सदस्य, राष्ट्रिय परिषद सदस्य, केन्दीय सदस्य र पाटी स्कुल बिभाग तथा संसदिय बिभाग सदस्य हुँदै पछिल्लो समय दुइ पाटीको एकता पश्चात नेकपाको पनि केन्द्रिय सदस्य भए ।
विद्यार्थी कालमा ६ महिना जेल जिबन बिताएका कुशल नेता अधिकारी राष्ट्रिय निर्बाचन ३ पटक जितेर ह्यट्रिक गर्ने नेतामा पर्दछन ।
आज भन्दा २५ बर्ष अगाडी यो पंतिकारको पृथिबिनारायण क्याम्पस मै वहॉ संग भेट भएको थियो । सालिन, भद्र, तार्किक र बहु प्रतिभावान ब्यक्तित्व हुनुहुन्थ्यो । सैद्धान्तिक रुपमा वहॉ अनेरास्वबियु पाचौ र यो पंतिकार अनेरास्वबियु छैटौमा आस्था राख्थ्यो । तर पनि उहाँ सधैं मेरो आदरणीय हुनुहुन्थ्यो ।
अब लागौ वहॉको राजकिय सेवा को चर्चा परिचर्चा र योगदान तर्फ ।
०६४ मा वहॉ संविधान निर्माण गर्ने तर्फका बिभिन्न समितीमा सदस्यको रुपमा रहेर कार्य गर्नु भयो । संबिधान सभा भंग भएकोले यो कार्य ०७० को चुनाब पछिको समितीमा सर्यो र वहॉ रुपान्तरित संसदको विकास समितीको सभापति बन्नु भयो।
सभापतिको हैसियतले वहॉले राष्ट्रिय गौरवका आयोजनाहरुमा निरीक्षण,सुपरिव़ण गर्नु भयो ।
०७४ को संघिय संसदमा निर्बाचित भए पछि पाटीले वहॉको मुल्यांकन गरेर संस्कृती,पर्यटन तथा नागरीक उडड्यन मन्त्री बन्नु भयो । मन्त्री भै सके पछि धेरै मेहनेत र परिश्रम गर्ने मन्त्रीमा वहॉ गनिनु हुन्छ । बर्षौ देखी बन्न नसकेको पोखरा क्षेत्रिय अन्तराष्ट्रिय बिमानस्थल बन्ने प्रकृयामा छ।
गौतमबुद्ध अन्तराष्ट्रिय बिमानस्थल करिब अब पुरा हुने चरणमा छ । नेपालको दोश्रो बारा-निचगड अन्तराष्ट्रिय बिमानस्थलको लागी पर्याप्त गृहकार्यमा जुटिरहेको अवस्था थियो।
देशको एक मात्र अन्तराष्ट्रिय बिमानस्थलको स्तर उन्नति हुने प्रकृयामा थियो । संस्कृती तर्फ पुरातत्वबिभागले धमाधम काम गरिरहेको अवस्था थियो।
देश भरि बिमान सेवा नभएको ठॉउमा सम्भाब्यता अध्यन गरी अति आवश्यक ठाउँमा बिमानस्थल बन्ने प्रकृयामा थिए ।
पछिल्लो समय यहि प्रकृया अन्तरगत माननिय मन्त्री रबिन्द्र अधिकारी तेर्हथुमको आठराइ गाउपालिकाको चुहानडॉडामा बन्न लागेको बिमानस्थलको सम्भाब्यता अध्यनको लागी टोली सहित जानु भएको थियो।
राष्ट्रहित र जनहितको कार्य सम्पन्न गरी फर्किरहेको अवस्थामा ताप्लेजुंगको फुंगलिंग नगरपालिका १० स्थित सिस्नेभिरमा एयर डाइनेस्टिको हेलिकप्टर दुर्घटना हुनपुगी माननिय मन्त्री सहित ६ जना टोलीको अकल्पनिय मृत्यु हुनपुग्यो।
मन्त्रीको हैसियतले वहॉले देखेको सपना र वहॉले शुरु गरेका कार्यहरु पुरा गर्नु सरकारको दायित्व हो । साथ दिनु तपाइ हाम्रो कर्तब्य हो ।
अल बिदा रबिन्द्र अधिकारी हार्दिक श्रदा सुमन!!!
परिवारजनमा समबेदना ।
चुडामणी अधिकारी हाल दक्षिण कोरिया
