खादालाई बिबादमा ल्याएकोमा आदिबासी जनजाति महासंघ, दक्षिण कोरियाको बिरोध
नेपाल आदिबासी जनजाति महासंघ दक्षिण कोरियाले बौद्ध धर्मालम्बीले शुभकार्यमा प्रयोग गर्ने खादाको बारेमा नेकपाका नेता खगराज अधिकारीले भ्रमक र कपोलकल्पित तथ्य प्रस्तुत गरेकोमा बिरोध जनाएको छ । बुधबार एक विज्ञप्ती जारी गर्दै महासंघले नेपाली समाजमा जन्म, मृत्यु, बिवाह र विविध शुभकार्यहरुमा फूलमाला झै सर्वमान्य र सर्वस्वीकार्य खादालाई बिभिन्न बाहनामा बिबादमा ल्याउनु दुखद भएको जनाएको छ ।
‘बौद्ध दर्शनमा आधारित खादा फूलमालाको रुपमा प्रयोग गर्न मिल्ने, हलुका, सस्तो सर्व सुलभ र सादादेखि बिभिन्न रंगमा पाईने, एक भन्दा बढि प्रयोग गर्न मिल्ने पवित्र बस्त्र भएकोले सम्पूर्ण धर्मावलम्बी र समुदायहरुले स्वतस्फुर्त र ब्यापक रुपमा प्रयोग गरिरहेको पाउछौं ।’ बिज्ञप्तीमा भनिएको छ । ‘साम्वोटा लिपिमा लेखिने अक्षरमा बौद्ध पराम्पराका शुभ शब्दहरु हुने गर्दछ । तसर्थ धर्म निरपेक्ष, बहुजातीय, बहुधार्मिक, बहु सांस्कृतिक र बुद्ध जन्मेको देश नेपालमा बौद्ध दर्शनमा आधारित खादाको महत्व र अर्थ नबुझी आएको प्रतिनिधी सभा सदस्य र पूर्व मन्त्री समेत भईसकेका खगराज अधिकारीको भनाइमा कुनै सत्यता छैन ।’
आदिबासी महासंघ दक्षिण कोरियाका कार्यवाहक अध्यक्ष मल्लिका थकाली र महासचिव केशर दर्लामी मगरद्धारा हस्ताक्षर गरिएको विज्ञप्तीमा प्रधानमन्त्री केपी ओलीले बेला बखतमा खादाले वायु प्रदुषण गर्छ भन्ने लगायतका भ्रामक कुरा गरिरहेको र कार्यकर्ताहरुलाई खादाको सट्टामा खादा जस्तै आकारको गलबन्दी वा तन्नाको टुक्रा प्रयोग गर्न उर्दी गरिरहेको पनि उल्लेख छ ।
विज्ञप्ति पूर्ण पाठ
