रास्कोट अस्पताल सहयोग अभियान कोरियाको पत्रकार सम्मेलन हुँदै
रास्कोट सामुदायिक अस्पताल सहयोग अभियान कोरियाले अभियानमा सहयाेग गर्ने महानुभावहरूलाइ धन्यबाद तथा अभियानकाे बारेमा जानकारी दिन “पत्रकार सम्मेलन तथा हार्दिक धन्यबाद ज्ञापन कार्यक्रम ” काे आयाेजना गर्ने भएकाेछ।
आगामी अप्रिल ७ तारिख साेल जाेङगाक स्थित दुर्गा रेष्टुरेण्टकाे सभाहलमा आयाेजना हुने कार्यक्रममा बिभिन्न तवरले प्रत्यक्ष अप्रत्यक्ष रूपमा सहयोग पुर्याउनुहुने सम्पूर्ण महानुभावहरु,उदार मनका सहयोगीदाताहरु, सामाजिक अभियन्ताहरु ,कोरियामा रहनुहुने विभिन्न संघ सस्था, ब्यबसायी,बिद्यार्थी, पत्रकार,मिडिया प्रमुख तथा प्रतिनिधि,बुद्धिजीवी लगाएत सम्पुर्ण कोरियाबासी आदरणीय नेपाली दाजुभाई तथा दिदिबहिनीहरुमा बिशेष आभार प्रकट गर्दै गरिमामय उपस्थितिको लागि आयाेजकले हार्दिक आह्वान तथा निमन्त्रणा गरेकाेछ।
रबि लामिछाने फाउन्डेसन तथा लोकप्रिय कार्यक्रम “सिधा कुरा जनता सङ्ग” न्युज २४ टिमको सक्रियतामा निर्माण हुन लागिरहेको विकट कर्णालीको कालिकोट स्थित रास्कोट सामुदायिक डिजिटल अस्पतालको लागि आर्थिक सहयोगार्थ हाल कोरियामा चलिरहेको अभियान गत डिसेम्बर २२ बाट सुरुवात भएर ३ महिनासम्म निरन्तर तिब्र गतिमा अगाडि बढिरहेको छ। रास्कोट अस्पताल सहयोग अभियान तथा रास्ट्रप्रेमी नेपालीहरुको एकता र सक्रियतामा दक्षिण कोरियामा संचालित उक्त आर्थिक सहयोग संकलन अभियान यही आगामी अप्रिल ७ गते आईतवार सम्म सहयोग संकलन कार्य जारी राख्दै सोही दिन नै सम्पूर्ण संकलित आर्थिक विवरण सार्बजनिक गरिने कार्यक्रम रहेकाेछ।
हाल सम्म ८ सय ३० बढी सहयोगी दाताहरु जुट्दै निरन्तर सहयोग रकम उपलब्ध भइरहेको हुदा सहयोग गर्न इच्छुकलाई वा रकम जम्मा गर्न छुट्नुहुने सहयोगी दाताहरुलाई समयमै रकम उल्लेखित खातामा जम्मा गरि सहयोग पुर्याईदिनुहुन अनुरोध पनि गरिएको छ । खाता विवरण :खाता वालाकाे नाम:스포트 네팔 बैङ्ककाे नाम:उरी बैङ्क खाता नम्बर:1006-901-459156 कार्यक्रम :
रास्कोट सामुदायिक डिजिटल अस्पताल सहयोगार्थ :कोरियामा संचालित आर्थिक सहयोग अभियान सार्वजनिक गरिने बारेमा “धन्यवाद ज्ञापन तथा पत्रकार सम्मेलन कार्यक्रम ”
मिति : ०७ अप्रिल २०१९
स्थान : जोङ्गाक स्टेशन (दुर्गा रेस्टुरेन्टको सभा हल)
समय: मध्यान्ह १२:३० बजे देखि
आयोजक : रास्कोट सामुदायिक अस्पताल सहयोग अभियान तथा राष्ट्रप्रेमी नेपाली एकता अभियान दक्षिण कोरिया ।
