यो सिजनको पहिलो फुटबल प्रतियोगिता चौथो मर्स्याङ्दी च्याम्पियनसिप मे ५ मा हुने
लमजुङ एफ.सी. दक्षिण कोरिया द्वारा आयोजित पत्रकार सम्मेलन आज सौल दोङ्देमुनमा सम्पन्न भएको छ।एफ.सी.का संयोजक जित गुरुङको सभापतित्वमा ,एन आरएन एसिया प्यासिफिक महिला उप-संयोजक जुनु गुरुङ को बिशेष अतिथ्यता रहेको सम्मेलनमा नेपाल पत्रकार महासंघ दक्षिण कोरिया शाखाका अध्यक्ष रञ्जन राज कुंवर ,फोनिज कोरियाका उपाध्यक्ष लेसन गुरुङ ,नुवाकोट समाज दक्षिण कोरियाका अध्यक्ष सन्तोष कुमार राई,नेवा:पुच दक्षिण कोरियाका अध्यक्ष पुरु जोशीको अतिथ्यता रहेको थियो ।
नेपाल फुटबल महासंघ दक्षिण कोरियाको मातहतमा रहेर लमजुङ एफ.सी.दक्षिण कोरियाको आयोजनामा कोरियाको छनानमा रहेकाे छुक्कुजाङमा आगामी मे ५ आईतबार चौथो मर्स्याङ्दी फुटबल च्याम्पियनसिप हुने भएको छ। प्रवासमा नेपाली फुटबल खेलाडीहरुको खेल स्तर बढाउने, स्वास्थ्यको लागि खेलकुद र कोरियाबासी नेपालीहरुमाझ आपसी मेलमिलाप र भाईचाराको भावना अभिवृद्दि गर्ने उद्देश्य सहित कार्यक्रम आयोजना गर्न लागिएको कार्यक्रम संयोजक जित गुरुङले जानकारी दिए ।
सन् २०१२ मा स्थपना भएको लमजुङ एफ.सी.ले द.कोरियामा आयोजना भएको अन्तराष्ट्रिय फुटबल प्रतियोगितामा नेपालको प्रतिनिधित्व गरि उपाधि हासिल गर्नुका साथै यहां आयोजना हुने नेपाली फुटबल प्रतियोगिताहरुमा एक दर्जन उपाधि हासिल गरिसकेको एफ.सी. का मेनेजर कृष्ण गुरुङले बताए। साथै एफसी द्वारा हासिल गरिएका सम्पूर्ण उपाधिहरुको कप सम्मेलनमा प्रदर्शन गरिएको थियो।
एफ.सी. को आयोजनामा हुन लागेको उक्त प्रतियोगिताको लागि अप्रिल १४ देखि २८ तारिख दिउंसो २ बजेसम्म टिम दर्ता खुला गरिएको छ। साथै अप्रिल २८ तारिखका दिन दिउंसो ४:०० बजे एक कार्यक्रम गरि टाईसिट सार्बजनिक गर्ने अायाेजकले जानकारी गराएका छन् । उक्त कार्यक्रमलाई सहयोग गरि सफल पारिदिनुहुन कोरियाबासी सम्पूर्ण नेपालीहरुमा कार्यक्रम संयोजक जित गुरुङले अनुरोध गरेका छन्। प्रतियोगितामा सहभागी ईच्छुक टिमले महासंघ द्वारा निर्धारित प्रवेश शुल्क तल उल्लेखित खातामा जम्मा गरि आफ्नो टिम दर्ता गर्न सक्ने जानकारी दिए।
टिम दर्ताकाे लागि ३ लाख ५० हजार(३५००००वोन) लाग्नेछ । सुनिल गुरुङकाे बैंकको नाम: NH bank A/c no: 3517196448823 रकम जम्मा गरेर अाफ्नाे टिम दर्ता गर्न सकिनेछ । थप जानकारीका लागि कृष्ण गुरुङ -010-3787-8849, जित गुरुङ-010-4315-7611,तेज घले-010-4898-3162,
सुनिल गुरुङ-010-7196-4488 लाइ सम्पर्क गर्न सकिने अायाेजकले बताएकाे छ ।
