धनकुटा सेवा समाजले गायिका श्रेयासी चेमजोङलाइ सम्मान गर्याे

धनकुटा सेवा समाज दक्षिण कोरीयाले गत शनिवारमा दक्षिण कोरीयाको ओनयांग ओन्छनमा रहेकाे नमस्ते हिमालय रेस्टुरेन्टमा “श्रेयसी एकल साँझ” नामक एक साँगीतिक कार्यक्रम सम्पन्न गरेको छ । पूर्वांचल सरोकार समाजका अध्यक्ष अमृत राईको प्रमुख आतिथ्यमा सम्पन्न उक्त कार्यक्रममा विभिन्न संघ-संस्थाका प्रतिनिधीहरू बाक्लो उपस्थिति रहेको थियो।
आफ्नो स्थापना कालदेखि नै विभिन्न सामाजिक, आर्थिक एवं साँस्कृतिक कार्यहरुमा सशक्त रुपमा कार्य गर्दै आएको धनकुटा सेवा समाजले यसपाली पनि गायिका श्रेयसी चेम्जोंङले नेपाली सुगम सँगीतमा पूर्याउँदै आउनु भएको योगदानको कदर र सम्मान स्वरुप उक्त कार्यक्रमको आयोजना गरेको हो।
नेपाली नयाँ वर्षको अवसर पारी पूर्वांचल सरोकार समाज दक्षिण कोरीयाले आयोजना गरेको बृहत् साँगीतिक कार्यक्रम २०७६ मा आमन्त्रित गायिका चेम्चोंङले “श्रेयसी एकल साँझ”मा दर्जनौं गीतहरु प्रस्तुत गरी उपस्थित श्रोताहरुलाई मन्त्रमुग्ध बनाकी थिइन । सोहि कार्यक्रममा धनकुटा सेवा समाजले गायिका श्रेयसीको साँगीतिक यात्राको सफलताको कामना सहित १२ लाख वन नगद र सम्मानपत्रद्वारा उनलाई सम्मानित गरिएकाे थियो।