किम्हेमा एकल नृत्य प्रतियाेगिता सम्पन्न
“सयथरी बाजा एउटै ताल.. सयथरी गोडा एउटै चाल” भन्ने मूल नाराका साथ गिम्हे सिस्टरहुडले गत आइतबार मे १२ का दिन दक्षिण कोरियाको खिम्हे शहरमा आयोजना गरेको खुल्ला एकल नृत्य प्रतियोगिता भब्यताका साथ सम्पन्न गरेको छ।
नव वर्ष २०७६ को उपलक्ष्यमा शुभकामना आदानप्रदानका साथसाथै नयाँ प्रतिभाको खोजी गर्दै सबै नेपालीहरू बिचको ऐक्यबध्दतालाई अझ बलियो पार्नु यस कार्यक्रमको प्रमुख उद्देश्य रहेको किम्हे सिस्टर हुडकी अध्यक्ष सुजता बस्नेतले जनाएकि छन्।प्रतियोगितामा १५ जना प्रतिष्पर्धीले भाग लिएका थिए ।
सिस्टरहुडकी अध्यक्ष सुजाता बस्नेतको सभापतित्वमा आयोजित उक्त कायक्रममा प्रमुख अतिथि एन.आर.एन.ए एशिया प्यासिफिक क्षेत्रिय महिला संयोजक जुनु गुरूङ रहेका थिए।
२ राउण्ड सम्म भएको जोडदार प्रतिष्पर्धामा विभिन्न संघ संस्थाहरूको प्रतिनिधित्व गर्दै आएका सहभागीहरू मध्ये जुलिफा तामाङ्(तामाङ् समाज)ले उत्कृष्ट नृत्य प्रदर्शन गरी प्रथम स्थान,सुजाता लामा(स्याङ्जा समाज) द्वितिय र रामु मगर(मगर संघ) ले तेश्रो पुरस्कार हात पारेका थिए।
बिरेन्द्र नौभाग्य(डान्सर/मोडल/म्यूजिक भिडियो निर्देशक), सन्जीव राई (मोडल/ म्यूजिक भिडियो निर्देशक), कर्ण गुरूङ्ग( डान्सर तथा साँस्कृतिक विभाग प्रमुख, गुरूङ्ग समाज )र आयोजक टिमका तर्फबाट डान्सर नानुमाया तामाङ्ग निर्णायक मण्डलमा रहेका थिए।
उत्कृष्ट तीन जना प्रतियाेगीलाई क्रमश:३०००००,२००००० र १००००० वन नगद पुरस्कार र प्रमाणपत्र प्रदान गरिएको थियो। कार्यक्रम भव्यताका साथ सम्पन्न भएको थियो।
२०१८ मा स्थापना भएको यस संस्थाले विदेशी भूमिमा रहेर पनि नेपाली कला र संस्कृतीलाई जगेर्ना गर्दै सबै नेपालीलाई एकताको सुत्रमा बाँधी राख्ने मूल उद्देश्य राखेको छ।
