सातौं रेसुङगा भलिबल कपको टाईसिट सार्वजनिक

गुल्मी सम्पर्क समिति दक्षिण कोरियाको आयोजनामा यहि जून २ तारिख हुन लागिरहेको सातौं रेसुङगा कप भलिबल प्रतियोगिताको लागि टिम दर्ता र टाईसिट सार्वजनिक भएको छ । गत आईतबार सौलमा एक कार्यक्रम गरि सम्पन्न भएको हो । साथै प्रतियोगिताको लागि सम्पूर्ण तयारी पुरा भएको जानकारी आयोजकले गराएको छ ।

राष्ट्रको लागि खेलकुद, स्वास्थ्यका लागि खेलकुद, खेलले नै दिन्छ राष्ट्रलाई स्वाभिमान, राष्ट्रिय खेल भलिबल बचाउ हाम्रो अभियान भन्ने मूल नारा सहित यो सिजनको दोश्रो प्रतियोगिता रेसुङ्गा कपमा कुल ९ टिमले सहभागिता जनाएको छ । जसमा आयोजक गुल्मी ए र बी, विश्वकर्मा समाज, थर्ड आईज थेसु, कालीगण्डकी ब्वाईज, म्याग्दी मोना, स्याङ्जा परिवार, सिहुङ्सी आनसान र बाग्लुङ समाज रहेका छन्।

प्रतियोगितामा प्रथम हुनेलाई १३ लाख कोरियन वन सहित ट्रफि, प्रमाण पत्र, द्धितिय हुनेलाई १० लाख कोरियन वन सहित ट्रफि, प्रमाण पत्र र तृतिय पुरस्कार २ टिमलाई ३ लाख ५० हजार वन प्रदान गरिने समितिका अध्यक्ष चन्द्र रानाले जानकारी दिएको छ । यसै गरि प्रतियोगितामा भेट्रान्स खेल पनि हुने अध्यक्ष रानाले जानकारी दिए । जसको लागि उक्त दिन बिहान ११ बजे सम्म खेल मैदानमा रहने अफिसियल डेक्समा टिम दर्ता गर्न सकिने बताएको छ ।

विविध कारणवश पहिला निर्धारित स्थान रद्द हुन गएकोले प्रतियोगिता ख्याङ्गिदो पोछन सि मा हुने जानकारी आयोजकले जनाएको छ । विभिन्न स्वादिष्ट नेपाली परिकारहरुको स्टल समेत रहने उक्त प्रतियोगितामा उपस्थितिको लागि आयोजक गुल्मी सम्पर्क समिति दक्षिण कोरियाले कोरियाबासी सम्पूर्ण खेलप्रेमी नेपाली दाजुभाई तथा दिदिबहिनीहरुमा अनुरोध गरेको छ । खेल बिहान ९ बजे देखि शुरु हुने जनाएको छ।

खेलहुने स्थान-: 포천종합 운동장(경기 포천시 군내면 호국로 1518)

जानेतरिका-: लाइन नं 1 의정부 역बाट 138,72,138-5 नं बस चढेर 포천 고등학교 앞झरेर 2/3 मिनेट हिड्ने
Express bus-: 동서울,동송,수원,신철원,안산,와수,인천,춘천(pocheon terminal बाट 3000 वन)

सम्पर्क नं.
01075652051 चन्द्र राना

01065982152 गणेश पौडेल