दक्षिण कोरियामा एक विद्यार्थीको मृत्यू : शवलाइ नेपाल पठाउन समस्या
दक्षिण कोरियामा अध्ययनका लागि आएका एक बिद्यार्थीको शुक्रबार बिहान मृत्यू भएको छ । योङगीन सहरमा पर्ने केलभिन युनिभर्सिटीमा अध्ययनरत सुमित पोखरेलको मृत्यू भएको हो ।
गोरखाका २७ वर्षीय पोखरेल बिहीबार साँझ दोङदेमुनको आफ्नो कोठामा खाना खाए पछि असहज महसुस भएपछि सउल अस्पतालमा भर्ना गरिए पनि उनलाई बचाउन नसकिएको गैर आवासिय नेपाली संघ दक्षिण कोरियाकी अध्यक्ष लक्ष्मी गुरुङले बताइन् । ‘अस्पताल ल्याए पनि ज्यान जोगिएन । के कारणले मृत्यू भएको एकिन भएन । पोष्टमार्टम पछि मात्रै थाहा हुन्छ । सोमबार पोष्टमार्टम हुन्छ भनेको छ अस्पतालले ।’ उनले भनिन् । ‘त्यस पछि शवलाई नेपाल पठाउने प्रोसेस हुन्छ । तर त्यसका लागि लाग्ने खर्च कसरी जम्मा गर्न सकिन्छ । उनी पढ्ने विश्व बिद्यालयमाले सहयोग गर्दैन रे । नेपाली राजदुतावासमा कुरा हुँदा पनि बजेट छैन भनेका छन् । इन्स्युरेन्सले पनि रिपोर्ट आए पछि मात्रै हेरेर दिन मिल्ने भए मात्र दिन्छ भन्दैछ । हामी छलफल गर्दैछौ ।’ उनले थपिन् ।
पोखरेल झन्डै डेढ बर्ष अघि Masters in Industrial Management अध्ययनको लागि कोरिया आएका थिए ।
