बाटो र पाइला
हिडदै जादा-
दुई बाटोहरु जोडिएर
एउटै बनेको मुलबाटोमा
तिमी र मेरो भेट भएथ्यो ।
तिमि मुस्कुरायोउ
बताश तिम्रो `रपुन्जेल´ कपाललाई छोएर
मेरो मन हुँदै –
सुस्तरिसुस्तरि बहिदियो
र
चुम्बकीय आकर्षण झै
यो मौन चेहेरा तिमिजस्तै खुब मुस्कुरायो !
केही पाइलाहरु
हामीले सँगसँगै हिडेपछि
दोबाटोले हामीलाई छुट्टयायो ।
तिमी र म
दुई बाटोहरु भएर हिड्यौ !
हिड्नु जिन्दगी हो
र
हिड्न बाँकि बाटोहरुले
फेरि हामीलाई भेटाउनेछ भन्ने लागिरहन्थ्यो ।
आज हिड्दाहिड्दै-
बाटोले तिमी र मलाई भेटायो
तर हाम्रो मनलाई भेटाएन
बतासलाई बहिरहने समय थिएन।
तिमी हतारमा थियौ
र
पहिलाजस्तो मुस्कुराउन पाएनौ ।
मलाई त दोबाटोहरुमा नि!
अब नछुटिनु थियोे
सँगसँगै हिड्नु थियो
तिमि र म `हामी´ बनेर
दोबाटोबिहिन बाटो बनाएर
जीन्दगी !
तर
खोज्दा खोज्दै
पछ्याउँदा पछ्याउँदै –
तिमी हिड्ने प्रेमिल बाटो
म एक पाइला ढिला भइसकेछु।
छुट्टिसकेछ्न तिम्रा पाइलाहरु
एक आगन्तुक पाइलासँग
शुभयात्रा !
प्रिय यात्री
