अल्ट्रा धाविका मिरा राईलाई जनजाति महासंघ कोरियाले सम्मान गर्यो
नेपाल आदिबासी जनजाति महासंघ दक्षिण कोरियाले अल्ट्रा धाविका मिरा राईलाई सम्मान गरेको छ । शनिबार सउलमा भएको कार्यक्रममा राईलाई सम्मान गरिएको हो ।
‘राष्ट्रको गौरव र देशकै नाम उचो राख्न सफल ब्यक्तित्वलाई हामीले सम्मान गरेका हौ । नेपाली खेलकुदको माध्यमबाट नेपाल र नेपालीलाई बिश्व सामू चिनाउन आदिवासी चेलीलाई अहिले यहाँ हुनु हुन्छ । त्यसैले हामीले सम्झेका हौ ।’ महासंघका अध्यक्ष युगेल तेन्डुप शेर्पाले भने । ‘कार्यक्रमको राम्रो तयारी गर्न सकिएन । भोली नै उहाँहरु नेपाल फर्कदै हुनुहुदो रहेछ ।’ उनले थपे ।
कार्यक्रममा मिरा राईले दक्षिण कोरियामा रहेका नेपालीको माया र सहयोग प्रति धन्यबाद ज्ञापन गरिन् । उनले बिकट क्षेत्रका महिला खेलाडीहरुलाई सहयोग गर्नका लागि मिरा राई इनिसियटिभ नामक संस्था खोलेकी छिन् । महासंघले पनि राईको संस्थालाई आर्थिक सहयोग गरेको छ ।
कार्यक्रममा दक्षिण काेरिया विभिन्न संघसंस्थाका प्रतिनिधिहरू उपस्थित रहेका थिए । मिरालाइ किराँत राई यायोख्खाले राईहरुको मुख्य चाड उभौलीको अबसरमा दक्षिण कोरिया ल्याएको हो ।
