चलचित्र “बिर बिक्रम २” कोरियामा प्रदर्शन हुने
नेपाली चलचित्र “बिर बिक्रम २ ” कोरियाको राजधानी सउलमा प्रदर्शन हुने भएको छ । नेपाली युवा युवतीको मुटुको ढुकढुकीमा बस्न सफल नायक पल शाह , नाजिर हुसेन ,वर्षा सिवाकोटी बुद्धि तामाङ (हैट) देशभक्त खनाल लगायतका कलाकारहरुको बेजोड अभिनय रहेको चलचित्र ” बिर बिक्रम २” कोरियाको राजधानी सउलको दोङदेमुनमा अाउदो जुलाई १४ (2019-07-14) मा प्रदर्शन हुन लागेको हो ।
विभिन्न सामाजिक कार्यमा सक्रिय संस्था चितबन सम्पर्क समिती द. कोरियाले ” चितवन घर” सहयोगार्थ उक्त चलचित्रकाे प्रदर्शन गर्न लागेको कुरा संस्थाका अध्यक्ष -लिलाकान्त महतोले जानाकारी गराएका छन् । चितवन सम्पर्क समितीले बिगत लामो समयदेखि छनान सहरको छनान स्टेसन नजिकै ” चितवन घर” संचालन गरि कोरिया बसाइको क्रममा दुख बिमार पर्दा ,बेरोजगार बन्दा अप्ठारोमा परेका नेपाली समुदायलाई सहयोग पुर्याउदै अायको छ। हाल उक्त घर संचालनमा अार्थिक समस्या परेकोले ” चितवन घर”सहयोगार्थ यश चलचित्र ” बिर बिक्रम २”को प्रदर्शन गर्न लागेको हाे। उक्त चलचित्र प्रदर्शनबाट बचत भएको रकमले “चितवन घर ” लाई थप ब्यबस्थित रुपमा संचालन गरिने कुरा चितवन घरका संयोजक राजेशबाबु श्रेष्ठले जानकारी दिएका छन्।
