प्रवासी नेपाली एकता मञ्च बुसान क्षेत्रिय कमिटीले जुलाई १३ र १४ मा अन्तरक्रिया गर्ने
प्रवासी नेपाली एकता मञ्च बुसान क्षेत्रिय कमिटीले यहि जुलाई १३ र १४ तारीकको दिन “ प्रवासमा पार्टी कमिटीको औचित्य र देशको संबृद्धीमा यसको भुमिका” बिषयक आवासीय अन्तरक्रियाको साथमा रात्री भोजको आयोजना गर्ने भएको छ ।
कोरियाको गजेदोमा हुन लागेको उक्त कार्यक्रमको बारेमा जानकारी दिदै प्रवासी नेपाली एकता मञ्च बुसान क्षेत्रिय कमिटीका संयोजक सन्तोस बरालले कार्यक्रममा अन्तरक्रियाको साथै मनोरञ्जनात्मक गीत संगित र अन्तर संगठन फुटसल प्रतियोगीता पनि हुने जानकारी दिए ।
प्रवासमा रहेका सदस्यहरु बिचमा भावानात्मक एकता र देशको संबृद्धीमा खेल्न सक्ने भुमिकाको बारेमा गहन छलफल गर्ने उदेश्यले आयोजना गर्न लागेको उक्त कार्यक्रममा प्रवासमा रहेका नेपालीहरुले भोग्दै आएका बिबिध समस्याहरु र यसको निराकरणको लागी प्रवासी संगठनले अब खेल्नु पर्नै भुमिकाको बारेमा बृहत छलफल गर्दै नेपाल सरकार समक्ष प्रवासीका समस्याहरु समाधानमा बारेमा निरन्तर दवाब र समन्वय कायम गर्न आवश्यक आधार तायार पार्न गहन छलफल हुने भएकोले प्रवासी नेपाली एकता मञ्चमा आबद्ध सदस्यहरु तथा आस्थावान सबै जनसमुदायमा सहयोग र सहभागीताको लागी आयोजकले हर्दिक निमन्त्रणा गरेका छन् ।
