भाषा बोल्न नजानेको भन्दै कोरियनले यसरी कुटे आफ्नो भियतनामी श्रीमतीलाई (भिडियो सहित)
३६ बर्षिय एक कोरियनलाई आफ्नो भियतनामी श्रीमतीलाई कुटपिट गरेको आरोपमा प्रहरीले पक्राउ गरेको छ । आफ्नो २ बर्षिय छोराको अगाडि श्रीमतीलाई कुटपिट गरेको भिडियो सार्वजनिक भएपछि प्रहरीले पक्राउ गरेको हो ।
सार्वजनिक भिडियो अनुसार कोरियन भाषा बोल्न नजानेको भन्दै गत बिहिबार आफ्नै घरमा श्रीमतीलाई बिहानको करिब ६ बजे देखी लगातार ३ घण्टा सम्म कुटपिट गरेको छ । राजधानी सउल बाट करिब ३ सय किलोमीटर टाढाको दक्षिण जीवोला प्रान्तमा घटेको उक्त घटनाम भियतनामी महिलाको करङ भाँचिएको छ भने शरीरको धेरै भागमा चोटपटक लागेको छ । जसको उपचारका लागि करिव ४ हप्ता लाग्ने जनाएको छ ।
समाचार एजेन्सी योन्हापका अनुसार भिडियो देखेपछि महिलाको आफन्तले पुलिस रिपोर्ट गरेका थिए । अहिले उक्त कोरियन ब्यक्तिलाई प्रहरी हिरासतमा राखेर अनुसन्धान गरेको छ भने उसको श्रीमती र बच्चालाई सुरक्षीत स्थानमा राखेको जनाएको छ ।
भिडियो हेर्नुस्
