नेपाल मगर सङ्घ किम्हे बुसान शाखाले चलचित्र “जात्रै जात्रा” प्रदर्शन गर्दै
नेपाल मगर सङ्घ किम्हे बुसान शाखाले यस वर्षको सर्वाधिक सफल नेपाली चलचित्र “जात्रै जात्रा ” किम्हेमा प्रर्दशन गर्ने भएकाेछ। । यहि आउँदो अगस्ट २५ तारिख किम्हेको बस टर्मिनल नजिकैको मुन्हावन हलमा प्रदर्शन गर्ने भएको हाे।
कोरियामा बिभिन्न आपत बिपतमा सहयोग गर्ने उद्देष्यले स्थापना गर्न लागेको ‘आपत बिपत राहत कोष ‘ सहयोगार्थको लागि सो चलचित्र प्रदर्शन गर्न लागिएको संस्थाका अध्यक्ष युद्व सलामि मगरले जानकारी दिए । उनले थपें -“यस वर्षकै सुपरहिट र बहुप्रतिक्षित चलचित्र “जात्रै जात्रा” नेपालमा ५१ औं दिन मनाउन सफल चलचित्र जसले भरपूर कमेडी सहित नेपालमा व्याप्त सबैखाले समस्या र बेथितीहरु पर्दामा उतार्ने कोशिस गरिएको छ ।”
यस विशुद्ध सामाजिक सेवाको अवधारणा सहित सहयोग पुग्ने हेतुले प्रदर्शन गर्न लागिएको नेपाली कथानक चलचित्र “जात्रै जात्रा” हेरेर मनोरन्जन सँगै पुण्य कमाउनुहुन दक्षिण कोरिया किम्हे बुसान स्थित विभिन्न संघ-संस्थाहरु, विविध पेशा, व्यवसायमा आबद्व तथा ईपिएस मार्फत विभिन्न कार्यमा संलग्न नेपाली दाजुभाई, दिदीबहिनी, विधार्थी, पत्रकार तथा बुद्धिजीवी लगायत सम्पूर्ण महानुभावहरुमा नेपाल मगर सङ्घ दक्षिण कोरिया किम्हे बुसान साखा हार्दिक अनुरोध गरेको छ ।
