उपचारका क्रममा कोरियामा एक नेपालीको मृत्यु
रोजगार अनुमति प्रणाली(इपीएस) मार्फत दक्षिण कोरिया आएका एक नेपालीको उपचारको क्रममा मृत्यु भएको छ ।
करिब ४ बर्ष अगाडि कोरिया आएको इलाम साखेजुङका टुक बहादुर लिङ्दमको उपचारको क्रममा मृत्यु भएको जानकारी मृतकको भाइ दिल कुमार लिङ्दमले फोनिज कोरियालाई दिएको हो ।
योङ्गिन सहरको एक कम्पनीमा कार्यरत मृतक लिङ्देन कोरिया आएको करिब २ बर्ष पछि देखि मुटु सम्बन्धि समस्या भएर उपचार गर्दै आएको भाइ दिल कुमारले जनाएको छ । उनका अनुसार मुटुको चाल अनियमित भएपछि पेसमेकर समेत राखेको जनाएको छ ।
पछिल्लो पटक स्वास्थ अवस्था जन गम्भीर भएपछि करिब २ महिना देखि सुवन स्थित आजु थेहाक्यो फ्यङ्वन(अस्पतालमा) उपचार हुँदै आइरहेको र यस क्रममा सोमबार मृत्यु भएको हो ।
यस सम्बन्धमा कोरियाका लागि नेपाली दूतावासले पनि पुष्टि गरेको छ । मृतकको लास नेपाल पठाउने तयारी सुरु भएको जानकारी दिदै श्रम सहचारी डिल्ली राम बास्तोलाले भने “अस्पतालले कागजात तयार र पुलिस रिपोर्ट तयार भएपछि हामीले जति सक्दो छिटो मृतकको लासलाई नेपाल पठाउनेछौं ।”
