बुद्धको मूर्ती फोड्नेलाई, फाँसी होस् नत्र (गजल)

खुल्ला सिमा नराख, दुश्मनहरु पस्न सक्छ
झुटो नागरिकता लिई, नेपाली भै बस्न सक्छ।

कलियूग हो साथी, कस्को विश्वास गर्नु यहाँ
धनको लागि छोरा, बालाई छूरी धस्न सक्छ।

तिमीसँग जे जति छ, त्यसमै चित्त बुझाउनु
टिप्न खोज्दा भूइँको, गोजिको नै खस्न सक्छ।

असमान कोशी सम्झौता, खारेज गरिएन भने
हरेक वर्ष यो देश, डुबानमा फस्न सक्छ।

बुद्धको मूर्ती फोड्नेलाई, फाँसी होस् नत्र!
लुम्बिनी र स्वयम्भू, यसैगरी डस्न सक्छ।