कोरियामा वुमन फर वुमन संस्थाको कार्यलाई हेर्दा

सन २०१० मा केहि सचेत महिलाहरुको पहलमा महिलाको लागि महिला अर्थात वुमन फर वुमन काेरिया भन्ने संस्था खोलिएको थियो। महिला मात्र साधारण सदस्य हुने, महिला मात्र पदाधिकारी हुने, प्राय जसो महिलाको सेवाकै लागि खोलिएको संस्था। तत्कालिन समयमा कोरियामा रहेका मञ्जु थापाको संयोजकत्वमा वुमन फर वुमन गठन गएिको थियो। पहिलो संस्थापक अध्यक्ष कोपिला राइ थिए भने दोश्रो कार्यकालका अध्यक्ष जुनु गुरुङ, तेश्रो कार्यकालका अध्यक्ष मल्लिका थकाली रहेका थिए भने हाल चौथो कार्यकलका अध्यक्ष पद्मा श्रेष्ठ रहेका छन्।

वुमन फर वुमनले गरेका महत्व पुर्ण काम मध्ये सबै भन्दा उत्तम काम महिला सेल्टर संचालन गर्नु रहेको छ। कुनै पनि महिला आपत बिपतमा परेका बेला, कम्पनि परिबर्तन गर्दा वा बिरामी हुदा वा अन्य कुनै कारणले कहि कतै गएर बस्नु पर्ने हुन्छ। कि त होटेल,मोटेलमा गएर बस्नु पर्यो, कि त साथी संगीकोमा गएर बस्न पर्यो। मोटेलमा बस्न पनि महङ्गो हुन्छ। साथीको मा सधै बस्न झ्याउ हुन्छ। सस्तोमा महिलाको लागी मानसिक रुपमा पनि धुक्कका साथ बस्न महिला सेल्टरमा नै उपयुक्त हुन्छ। आर्थिक भौतिक नैतिक र मनोबैज्ञानिक रुपमा समेत सुरक्षित रुपमा महिलाका लागि सेल्टर सेवा निरन्तर रुपमा संचालन गर्नु वुमन फर वुमनको सबै भन्दा उत्तम काम हो।

महिला नेतृत्वको बिकास
नेपालको सन्दर्भमा महिलाहरुलाई पनि पछाडि पारिएको छ। महिलाहरुलाई नेतृत्व तहमा आउने बाताबरण सबैले बनाउनु पर्छ। कोरियामा रहेका नेपाली महिलाहरु पनि राजनैतिक संगठन अथवा सामाजिक संस्थामा अग्रसर भएका देखिन्छ। हालैको अवधिमा केहि राजनैतिक संगठन र ठुला भनिएका सामाजिक संस्थामा महिलाले नै नेतृत्व गरेका छन्। वुमन फर वुमनले समेत महिला नेतृहरु उत्पादन गरिसकेका छन्। महिला नेतृत्व बिकास गरेका छन्। संस्था संचालन , ब्यवस्थापन र निर्णय गर्ने कार्यान्वयन गर्ने काम महिलाले नै गरेका छन्। कोरियामा रहेका संस्थाले आयोजना गरेका औपचारिक कार्यक्रममा बिशेष अथितिको रुपमा अग्रस्थानमा आषन ग्रहण गर्ने हैसियत बनाएका छन्।

सहकार्यता र समाजसेवा
स्थापनाकाल देखि नै कोरियामा रहेका सम्पुर्ण नेपाली संघ संस्थाहरु संग सहकार्य गर्दै आएको देखिन्छ। केहि कोरियन संस्था संग पनि वुमन फर वुमनको सहकार्य रहेकोछ। आइ डब्लु पि जी, नमस्ते कोरिया, सेगिल चर्च, एमटियु केहि कोरियन गुम्बाहरु संग वुमन फर वुमनको सहकार्यता रहेकोछ । महिला सेल्टर सञ्चालन गर्नको लागी सेगिल चर्चको बिशेष सहयोग रहेको छ भने महिनाको अन्तिममा गरिने नियमित स्वास्थ्य शिबिर पनि सेगिल चर्चको सहयोगमा भइ रहेकोछ। सेल्टर संचालन गर्नको लागी नमस्ते कोरिया र एम टि यु कोरियाले पनि सहयोग गरिरहेका छन्। एक गुम्बाको सहयोगमा १२ जना नेपाली बिरामीले जनहि ३० लाख वनको दरले सहयोग पाएका थिए। कोरियन भाषा कक्षा संचालन पनि गरेको थियो।

वुमन फर वुमनले नेपालमा समेत केहि आर्थिक सहयोग गरेकोछ। भुकम्पको बेला करिब ४५ लाख वन, गत सालको बाढि पहिरोको लागि १२ लाख वन, र बुटवलमा एक अनाथालयको अक्षयकोषको लागी नेरु पचास हजार रुपयाँ सहयोग गरेको कुरा वुमन फर वुमनले जनाएको छन्। सानातिना कार्यहरु त अनगिन्ती नै गरेका छन्।
यो बाहेक केहि कमिकमजोरीका कुराहरु टिप्पणी गर्ने कार्य यहाँहरुको।
यहि आउदो आइतबार वुमन फर वुमनको पाचौ अधिबेशन हुदैछ। नयाँ नेतृत्वले अझै समस्त महिलाहरुको सेवा गर्न सकोस यहि छ शुभकामना।