वमन फर वमन दक्षिण कोरियाको पाँचौ अधिवेशन सम्पन्न अध्यक्षमा रितु श्रेष्ठ

वमन फर वमन दक्षिण कोरियाको अधिवेशन सम्पन्न भएको छ । आइतबार भएको पाँचौ अधिवेशनबाट अध्यक्षमा रितु श्रेष्ठ निर्वाचित भएकी छिन् ।
अन्य पदाधिकारीमा बरिष्ठ उपाध्यक्षमा रुपा गुरुङ, उपाध्यक्षहरुमा कुसला क्षेत्री, मात्रृशोभा राई रहेका छन् । त्यस्तै सचिवमा शुस्मा थापा, सहसचिबमा मञ्जु गुरुङ, कोषाध्यक्षमा पार्वती मोक्तान, सहकोषाध्यक्षमा उर्मिला जोशी निर्वाचित भएका छन् । कार्यसमितिको सदस्यहरुमा डोल्मा ओमु ह्योल्मो र बिमला थापा रहेका छन् ।
औपचारिक कार्यक्रममा दक्षिण कोरियाका लागि कार्यवाहक राजदुत किरण शाक्यले वमन फर वमनले धेरै सामाजिक कार्य गरेको बताए । उनले आफ्नो कोरिया बसाईमा संस्थालाई सहयोग गर्न खोजेको तर कोरियामा बैधानिक रुपमा संस्था दर्ता नभएकोले सहयोग गर्न नसेकेको बताए ।
कार्यक्रममा गैर आवासिय नेपाली संघ दक्षिण कोरियाकी अध्यक्ष लक्ष्मी गुरुङ, एनआरएनए एसिया प्यासेफिक महिला संयोजक जुनु गुरुङ प्रदेश नं। ३ एकता समाजका अध्यक्ष किशोर ब्लोन, नेपाल पत्रकार महासंघका अध्यक्ष रञ्जनराज कुँवर, वमन फर वमनका पुर्वअध्यक्ष मल्लिका थकाली लगाएतले सभालाई सम्बोधन गरेका थिए भने सचिव रुपा गुरुङले संस्थाको प्रगति विवरण प्रस्तुत गरेकी थिइन । त्यस्तै कोषाध्यक्ष पार्वती मोक्तानले संथाको आर्थिक प्रतिबेदन प्रस्तुत गरेकी थिइन ।