तामाङ समाज ख्यङ्साङ बुसान दक्षिण कोरियाको अध्यक्षमा सुजित घिसिङ
तामाङ समाज ख्यङ्साङ बुसान दक्षिण कोरियाको दोस्रो अधिवेशनबाट सुजित घिसिङ निर्वाचित भएको छ । सेप्टेम्बर ८ आइतबार किम्हे स्थित मुन्ह्वावन हलमा भएको अधिवेशनबाट घिसिङको नेतृत्वमा २९ सदस्यीय नयाँ कार्यसमिति चयन भएको हो ।
कार्यसमितिको वरिष्ठ उपाध्यक्षमा धनराज तामाङ, उपाध्यक्ष मान कुमार तामाङ, सन्त तामाङ, राम तामाङ, राज तामाङ, तिलक तामाङ, सोनाम पाल्मो मम्बा र महासचिवमा सोम योञ्जन चयन भएका छन् । त्यस्तै सचिवमा आकाश घिसिङ, जिन्लप तामाङ, पेम्बा तामाङ, सुकराज तामाङ, सोमबीर तामाङ, जुलिफा तामाङ र कोषाध्यक्ष संजिका लोप्चन, सह–कोषाध्यक्ष युपक लामा तामाङ चयन गरेका छन् । महासचिव योञ्जन र कोषाध्यक्ष लोप्चन पुनः सोही पदमा चयन भएका छन् ।
सदस्यहरुमा पुजन पाख्रिन, सुमन लो तामाङ, पासाङ तामाङ (कर्म), बिशाल तामाङ, धनजित तामाङ, रुपेश लामा तामाङ, प्रबिन तामाङ, उषा तामाङ, सम्झना तामाङ, सोभा स्याङतान, कासी माया तामाङ, पार्वती वाइबा चयन भएका छन् ।
सन् २०१८ मा स्थापना भएको समाज पहिलो कार्यसमितिको अध्यक्ष विश्वास ब्लोन नेपाल फर्किएपछि लगभग ६ महिनादेखि यता बरिष्ठ उपाध्यक्ष सुजित घिसिङले कार्यबाहक अध्यक्षमा रही समाज समालिरहेको थियो । सबै कार्यसमिति पदाधिकारी निर्विरोध चयन भएको हो ।
अधिवेशनले समाजको नाम तामाङ समाज ख्यङ्साङ् बुसान राखिएको छ । यसअघि तामाङ समाज ख्यङ्साङ्नाम्दो बुसान रहेको थियो ।
साथै अधिवेशनमा कोषाध्यक्ष सञ्जिका लोप्चनल एक कार्यकालको आर्थिक विवरण प्रस्तुत गरेका थिए । त्यस्तै समाजले एक कार्यकालमा गरेका ल्होछार पर्व कार्यक्रम, बुद्ध जयन्ती फुटसल प्रतियोगितालगायत विभिन्न ९ वटा कार्यक्रमहरु गरेको गतिविधि महासचिव सोम योञ्जनले प्रस्तुत गरेको थियो ।
अधिवेशनको निर्वाचन समितिको संयोजक तपस तामाङ र सदस्यहरूमा राना तामाङ, नानुमाया तामाङ, हरि तामाङ, रवि लामा गरी पाँच सदस्यीय समिति गठन गरेको थियो ।
कार्यक्रममा प्रमुख अथिति नेपाल आदिवासी जनजाति महासंघ दक्षिण कोरियाका अध्यक्ष युगेल तेन्ढुप शेर्पा, विशेष अथिति एनआरएनका अध्यक्ष पदका उम्मेदवार यज्ञाराज सुवेदी, नेपाल तामाङ संघ दक्षिण कोरियाका अध्यक्ष मेघप्रसाद वाइबा, नेपाल आदिवासी जनजाति महासंघ दक्षिण कोरियाका उपाध्यक्ष तथा एनआरएनका उपाध्यक्ष पदका उम्मेदवार सोम वाइबा तामाङ, एनआरएनका ख्यङ्साङ्का शाखाका अध्यक्ष वेलमान थापा मगर, एनसीसी बुसानका उपाध्यक्ष विपिन्द्र राईलगायत जातिय संस्थाहरुको र अन्य संघ संस्थाहरुको प्रतिनिधिहरु उपस्थिति थियो ।
