सेवा-सेवारो सांगीतिक कार्यक्रमका लागि कलाकारहरू कोरिया आइपुगे
बुसान कोरिया / किरात याक्थुङ चुम्लुङ र किरायत राई यायोक्खा बुसान ख्यंङसांङनाम्दो शाखाको आयोजनामा यही सेप्टेम्बर १२ तारिख किम्हेमा हुन लागेको सेवा सेवारोको मुख्य कलाकार राजेश पायल राई हिजो कोरिया आईपुगेका छन । कोरिया आएका राईलाई आयोजकले स्वागत गरेको छ । साथै अन्य कलाकारहरु आज आईपुगइसकेको आयोजकले बताएको छ । यसको साथै कार्यक्रमको लागि सम्पूर्ण तयारी पुरा भएको बताइएको छ ।
किम्हेमा हुन लागेको सो सांस्कृतिक कार्यक्रमको लागि कोरियाको विभिन्न ठाउँमा यातायातको व्यवस्था समेत रहेको छ ।हाम्रो पहिचान संस्कार निकाश सहितको सामाजिक अभियान, नेपाली कला संस्कृतिलाई गरौं सम्मान” भन्ने मूल नाराका साथ अनाथ बालआश्रम सहयोगार्थ कोरियाको महान चाड छुसकको अवसर पारेर आयोजना हुन लागिरहेको “सेवा-सेवारो सांगीतिक कार्यक्रम” लाई भव्य र सफल पार्न सम्पूर्णलाई उपस्थित हुन आयोजकले अनुरोध गरेको छ ।
कार्यक्रममा राजेश पायल राई सहित कलाकारहरु, तारा प्रकाश लिम्बु , मेलिना राई ,नम्रता सापकोटा, जेश्मी लिम्बु, रेश्मा पुन मगर , शुसन लिम्बु, अशोक मुकारुङ, र मविन्द्र राई ले भरपुर मनोरञ्जन दिनेछन । कार्यक्रम संचालन भुमिका फियाक लिम्बु,को रहनेछ ।