अस्ट्रियाबाट गायक शेखरको सेलो पप “सोलमारी” सार्वजनिक(भिडियो सहित)
अस्ट्रियामा रहेका गायक शेखर लामा थोकरको स्वरमा “सोलमारी” बोलको नेपाली सेलो पप म्युजिक भिडियो सहित सार्वजनिक भएको छ । सप्तक सङ्गीत युट्युब च्यानलबाट सार्वजनिक भएको उक्त गीतको शब्द भने जापानमा रहेका जनक थोकारले लेखेका छन् ।
धन दोङ तामाङको संगीत र बालकृष्ण सेवाचार्याको संगीत संयोजन रहेको उक्त गितको निर्देशन तथा छायाँकन नवीन बाबु गुरुङले गरेको हो । नगरकोटका सुन्दर स्थानहरुमा छायांकन गरिएको भिडियोमा सोलमारीको कारणले गुरुङ युवा र तामाङनी युवतीबीच भएको मायाप्रेमलाई सुन्दर तरिकाले प्रस्तुत गरेको छ । हिसी साम्तेन लामा र आन्नद गुरूङको अभिनय रहेको भिडियो यस भिडियोलाई जस्मिन मगरले कोरियोग्राफ गरेकी हुन् भने बिकास धमलाको सम्पादन रहेको छ।
अस्ट्रियामा बस्दै आएका गायक शेखरले हालसम्म सन्ननी, आमा तथा बिर्से होला लगायत धेरै वटा उत्कृष्ट नेपाली गितहरु गाइसकेका छन् ।
भिडियो हेर्नुहोस्
