सामाजिक सञ्जालमा भाईरल भएको काेरियाकाे भिडियो र यथार्थ

केहिदिन अगाडी सामाजिक सञ्जालमा एउटा भाईरल भिडियो भयो । लाखौ नेपालीले हेरे । शेयर गरे । कमेन्ट गरे । सबैले भिडियोमा देखिएको मानिसलाई गाली गरे । निकै तहल्का मच्चिायाे ।
भिडियोमा एक नेपालीलाई दुईजना कोरियन प्रहरिले जवरजस्ति नियन्त्रण लिएको र बिच बाटोमा पछारेर हत्कडी लगाएको देखिन्छ ।
भिडियो शेयर गर्नेले गोर्खेले रक्सी खाएर सार्वजनिक स्थानमा होहल्ला गरि सर्बसाधारण मान्छेलाई कुटपीट गरेको भनेर लेखेकाे थियाे। यति लेखिएकै भरमा भिडियो हेर्ने धेरैले एकातर्फी गाली गरेको गरेकै गरे । तर बास्तविकता भिडियोमा देखिए जस्तो नभएर अर्कै रहेको छ ।
भिडियोमा देखिएका ती व्यक्तिसंग भेट भएपछी उनले भनेका कुराहरु मैले लेखेको छु ।
३३ वर्षिय चन्द्र बानिया । घर झापा जिल्ला वुद्धशान्ति नगरपालीका ७ । हाल आनसान स्थित सोल्टि रेस्टुरेन्को सेल्टरमा बसछन ।
दुई बर्ष अगाडि कोरिया आएका बानिया छनानको एक फलाम कम्पनीमा काम गर्थे । कम्पनीमा गर्हुङ्गो फलाम उठाँउदा उनको ढाडमा समस्या आएपछि काम छोडेर नेपाल गएर अपरेसन गरे । ढाडको अपरेसन गरेको खत देखाउदै उनले पुर्णरुपमा ठिक नभैसकेको र अझै औषधि सेवन गरिरहेको बताए ।

घट्ना कसरि भएको थियो?

नेपालवाट फर्केपछि उनी सुवनको सेल्टरमा बस्थे । अक्टुवर १७ तारिखका दिन मुखमा सामान्य घाउ आएपछि उनले खानाखादै आएको नेपाली होटलको साउनीले हस्पिटल गएर चेकअप गर्नु भनेर सुझाव दिए । साउनीकै सुझाव अनुसार उनैले देखाईदिएको हस्पिटल गई देखाए । त्याहाँ उनलाई डाक्टरले मुखको घाउमा स्प्रे छर्कि्दिए र सूई लगाईदिए ।

त्यस लगतै उनि सेल्टर फर्केर नियमित सेवन गर्दै आएको औषधि पनि खाए । जुन नेपालवाट ल्याईएको ढाडको औषधि थियो । त्यसपछि के भयो सम्झिन सक्दैनन् । उनी अचेत भएछन र बाटोमा जो जस्लाई पायो उसैलाई पिट्दै हिडेछन । कोरियन प्रहरिलाई समेत हात लगाएछन । उनी होसमा आउदा हातमा हत्कडि लगाईराखेको अवस्थामा सुवनको प्रहरी चौकीमा थिए ।
अवस्था असामान्य भएपछि उसलाई सुवनको आजुदो हस्पिटल लगियो । त्यहाँ उनले रक्सि सेवनगरेको नभै त्यसदिन लगाईएको सुई र नेपालबाट ल्याएको औषधीसेवन गरेपछि रियाक्सन भएको पुष्टि गरे । मैले रक्सि खाएर गल्ती गरेको भए म नेपाल डिपोट हुनुपर्थ्यो तर म कोरियामै छु भनेर हस्पिटलले दिएको रक्सि सेवन नगरेको रिपोर्ट देखाउदै प्रमाणित गरे ।

उनकोे भिडियो खिचेर सामाजिक सञ्जालमा हाल्ने ब्यक्ति सुवनको एक रेष्टुरेन्ट व्यावसायी भएको बताए । बानियाका अनुसार पुलीस पनि उसैले बोलाएका थिए । मेरो अवस्था असामान्य हुँदा वहाले मलाई नियन्त्रणमालिई हस्पिटल पुर्याउनु भएकोभए राम्रो हुन्थ्यो तर पुलिस लगाई भिडियो खिचेर फेसबुकमा हालेर बदनाम गरेछन् ।
उनको अवस्था अहिलेपनि सामन्य अवस्थामा फर्किसकेको छैन । खुट्टा काम्ने, झमझमाउने, डरत्रास भएजस्तो हुने, एक्लै बस्न र सुत्नपनी नसक्ने लक्षण आफुमा भएको बताए । उनले औषधी सेवन गरिरहेका छन् ।

अस्पतालले दिएकाे स्वास्थ्य रिपाेर्ट