सलनालमा तामाङ समाज ख्याङ्सङ् बुसानले बृहत् सास्कृतिक कार्यक्रम “नाङ्साल सांगीतिक सौगात” आयोजना गर्ने
कोरियाको नयाँ बर्ष सलनाल एवं तामाङ समुदायको २८५६ औं सोनाम ल्होसारको अवसरमा तामाङ समाज ख्याङ्सङ बुसानले आगामी जनवरी २४ तारिख शुक्रबारका दिन किम्हेमा बृहत् सास्कृतिक कार्यक्रम ” नाङ्साल साङ्गितिक सौगात “को आयोजना गर्ने भएको छ।
आइतबार संस्थाका सम्पुर्ण कार्यसमिती र सल्लाहकार सहितको पुर्ण बैठको सर्बसम्मतबाट उक्त कार्यक्रम गर्ने निर्णय गरिएको हो । सलनालको पहिलो दिन गरिने उक्त कार्यक्रममा नेपालका ख्याति प्राप्त राष्ट्रिय कलाकारहरूको उपस्थित रहने कुरा संस्थाको अध्यक्ष सुजीत घिसिङले जानकारी दिएका छन् ।
नेपालको पछिल्लो रियालिटी सो THE VOICE OF NEPAL को टप प्रतिस्पर्धि कलाकारहरु समेत समेट्नेगरि गरिने यस कार्यक्रममा सम्पूर्ण नेपालीहरुको उपस्थित भइ सब्य र भब्य रुपमा सफल पारिदिन संस्थाले हार्दिक अपिल गरिएको छ ।
